کوٹلی اور غذر میں سیلاب کے باعث 4 افراد جاں بحق،متعدد لاپتہ

گلگت بلتستان کے ضلع غذر کے علاقے شیرقلعہ نالے میں طغیانی کے باعث اونچے درجے کا سیلاب ہے۔

سیلاب کے باعث دو بچے اور دو خواتین جاں بحق جبکہ متعدد افراد لاپتہ ہوگئے ہیں۔ سیلابی صورتحال کے باعث 250سے زائد خاندان بے گھر ہوگئے۔

دوسری جانب کوٹلی آزاد کشمیر میں موسلادھار بارش کا سلسلہ جاری ہے۔ تھلہیر کالونی سے گزرنے والا نالہ زور پکڑ گیا جس سے پانی گھروں میں داخل ہوگیا۔

بڑالی دربار کے مقام پر لینڈ سلائیڈنگ سے نوجوان ملبے تلے دب گیا۔ تودے کا ملبہ ہٹانے کے لیے مشینری پہنچ گئی جبکہ امدادی آپریشن جاری ہے۔