سابق وفاقی وزیر بابر غوری کو کراچی پہنچنے پر گرفتار کرلیا گیا

ایم کیو ایم کے سینئر رہنماء کی چند روز قبل عدالت نے ضمانت منظور کی تھی

سابق وفاقی وزیر پورٹ اینڈ شپنگ اور ایم کیو ایم کے سینئر رہنماء بابر غوری کئی سال بعد پاکستان پہنچ گئے تاہم قانون نافذ کرنیوالے اداروں نے انہیں کراچی ایئرپورٹ سے گرفتار کرلیا۔

سابق وفاقی وزیر اور ایم کیو ایم کے سینئر رہنماء بابر غوری کی چند روز قبل مقامی عدالت نے ضمانت منظور کی تھی، جس کے بعد فورسز نے ان کیخلاف نئے مقدمات قائم کرنے کا فیصلہ کیا تھا۔

بابر غوری نے ضمانت قبل از گرفتاری ملنے کے بعد پاکستان واپس آنے کا فیصلہ کیا تھا۔ فورسز کی جانب سے نئے مقدمات قائم کرنے کے اعلان کے بعد ان کا کہنا تھا کہ پاکستان واپسی کا فیصلہ مؤخر نہیں کیا۔

نمائندہ سماء کے مطابق ایم کیو ایم کے سینئر رہنماء اور سابق وفاقی وزیر پورٹ اینڈ شپنگ بابر خان غوری کو کراچی ایئرپورٹ پہنچنے پر گرفتار کرلیا گیا، انہیں تحقیقات کیلئے نامعلوم مقام پر منتقل کردیا گیا، جہاں نیب اور پولیس ان سے تفتیش کررہی ہے۔

سابق ایم ڈی کے ای ایس سی شاہد کے قتل کے مرکزی کردار صولت مرزا نے بابر غوری پر سنگین الزامات عائد کئے تھے جبکہ ان پر منی لانڈرنگ اور کے پی ٹی میں غیر قانونی بھرتیوں کا بھی الزام ہے، ان دونوں مقدمات میں سابق وزیر کو ضمانت قبل از گرفتاری مل چکی ہے۔

سابق ایم ڈی کے ای ایس سی شاہد کے قتل کے مرکزی کردار صولت مرزا نے بابر غوری پر سنگین الزامات عائد کئے تھے جبکہ ان پر منی لانڈرنگ اور کے پی ٹی میں غیر قانونی بھرتیوں کا بھی الزام ہے، ان دونوں مقدمات میں سابق وزیر کو ضمانت قبل از گرفتاری مل چکی ہے۔

ذرائع کے مطابق بابر غوری کیخلاف مقامی بلڈر کی مدد سے زمینوں پر قبضے اور غیر قانونی تعمیرات کے حوالے سے بھی تحقیقات ہو رہی ہیں۔

چند روز قبل سماء کے پروگرام سات سے آٹھ میں گفتگو کرتے ہوئے بابر غوری کا کہنا تھا کہ عدالت کی اجازت ملنے پر پہلی فلائٹ سے آجاؤں گا، وطن واپسی ميں کوئی رکاوٹ ہوئی تو سامناکروں گا، کیا ميرا قصور یہ ہے کہ میں اپنے وطن واپس آنا چاہتا ہوں؟، کیا عدلیہ کے آگے سرینڈر کرکے اپنی بے گناہی ثابت کرنا میرا قصور ہے۔

بانی ایم کیو ایم کے قریبی ساتھی اور سابق وفاقی وزیر بابر خان غوری طویل عرصہ سے امریکا میں مقیم ہیں۔

Babar Ghauri

MQM Pakistan

Asif Jul 04, 2022 11:55pm
He should be behind bars for life.
Tabool ads will show in this div