ملک میں بجلی کا شارٹ فال 7 ہزار 919 میگاواٹ ہو گیا
مختلف شہروں میں 12 سے 16 گھنٹے لوڈشیڈنگ جاری
ملک میں بجلی کی مجموعی پیداوار21 ہزار81 میگا واٹ جب کہ طلب 29 ہزار میگاواٹ ہے۔
ملک میں بجلی کا شارٹ فال 7 ہزار 919 میگاواٹ تک پہنچ گیا ہے، جس کے باعث مختلف علاقوں میں لوڈ شیڈنگ کا دورانیہ 12 سے 16 گھنٹے تک پہنچ چکا ہے۔
پاورڈویژن ذرائع کا کہنا ہے کہ اس وقت ملک میں بجلی کی مجموعی پیداوار21 ہزار81 میگا واٹ ہے، جب کہ بجلی کی طلب 29 ہزار میگا واٹ ہے۔
پاورڈویژن ذرائع نے بتایا کہ اس وقت پانی سے 5 ہزار227 میگاواٹ بجلی پیدا کی جارہی ہے، اور سرکاری تھرمل پلانٹس1591 ، جب کہ آئی پی پیز 10 ہزار 135 میگاواٹ بجلی پیدا کر رہے ہیں۔
ذرائع پاور ڈویژن کے مطابق ونڈ پاور پلانٹس سے پیداوار ایک ہزار 627 میگاواٹ، سولرپلانٹس سے111میگاواٹ ہے، جب کہ بگاس پلانٹس سے 122، جوہری ایندھن سے 2 ہزار 268 میگاواٹ بجلی پیدا کی جارہی ہے۔
load shedding
power short fall
