فواد چوہدری نے خواجہ آصف کا بیان مسترد کردیا

خواجہ آصف کے بیان پر تحریک انصاف کا ردعمل
Jul 04, 2022

پی ٹی آئی رہنما فواد چوہدری نے وزیردفاع خواجہ آصف کا بیان مسترد کردیا۔

اپنے بیان میں فواد چوہدری کا کہنا تھا کہ تحریک انصاف نے کسی بھی سطح پر امریکی حکومت کے کسی بھی نمائندے سے رابطہ نہیں کیا۔

فواد چوہدری کا کہنا تھا امریکی ایماء پر منتخب جمہوری حکومت کیخلاف سازش کرنے والے اب بھی امریکی خوشنودی کیلئے بیانیے بناتے ہیں۔

سابق وفاقی وزیر کا کہنا تھا کہ عمران خان نے ہمیشہ امریکی ایجنڈے کو خاطر میں نہ لاتے ہوئے قومی مفاد پر اپنے بیانیے کی بنیاد رکھی، عمران خان کا ایبسولیوٹلی ناٹ پر پورے شریف دربار کے پیٹ میں درد اٹھتا پوری قوم نے دیکھا۔

رہنما تحریک انصاف کا مزید کہنا تھا کہ ڈونلڈ لو کا کردار اس مراسلے میں درج ہے جسے یہ سارا امپورٹڈ ٹولہ جھٹلاتا ہے۔ ڈونلڈ لو کا جو کردار عمران خان نے بے نقاب کیا اسکی توثیق شہباز شریف کی زیرِصدارت قومی سلامتی کونسل نے کی۔

فواد چوہدری کا کہنا تھا کہ افغانستان میں سیاسی گفت و شنید کے ذریعے امن کی بحالی کا رستہ تلاش کرنے میں کلیدی کردار عمران خان کا ہے، غیرت و حمیت سے اجنبی گروہ افواہ سازی کے ذریعے اپنی خاک آلود عزت بحال نہیں کرسکتا۔

انہوں نے کہا کہ عمران خان نے ہمیشہ امریکی ایجنڈے کو خاطر میں نہ لاتے ہوئے قومی مفاد پر اپنے بیانیے کی بنیاد رکھی، 400 سے ڈرون حملوں کی مخالفت کرنے والے قائد کا نام عمران خان ہے۔

فواد چوہدری کا کہنا تھا کہ غیرت و حمیت سے اجنبی گروہ افواہ سازی کے ذریعے اپنی خاک آلود عزت بحال نہیں کرسکتا۔

khwaja asif

fawad chaudhary

Tabool ads will show in this div