پنجاب اورسندھ ميں ہمارا راستہ روکا جارہاہے، مولانا اسعد محمود

انتخابات اورانتخابی عمل پراعتراض ہے ،وفاقی وزیر مواصلات
Jun 29, 2022

وفاقی وزير اورجے يو آئی رہنما مولانا اسعد محمود کا کہنا ہے کہ سندھ اور پنجاب ميں ہمارا راستہ روکا جا رہا ہے۔

قومی اسمبلی اجلاس میں اظہار خیال کرتے ہوئے مولانا اسعد محمود کا کہنا تھا کہ ہمیں انتخابی عمل پراعتراض ہے۔ دھاندلی کہيں بھی ہوگی ڈٹ کر مقابلہ کريں گے۔

جے يو آئی رہنما کا کہنا تھا کہ ڈنڈا ماری سے نجات دلائيں،انتخابی اصلاحات ضروری ہے، شفاف انتخابات کيلئے عملی اقدامات کی ضرورت ہے۔

دوسری جانب جی ڈی اے رکن قومی اسمبلی فہميدہ مرزا کا کہنا تھا کہ ادارے سندھ کے بلدياتی انتخابات ميں دھاندلی کا نوٹس ليں۔ فہميدہ مرزا نے کہا کہ ايم کيو ايم اور جے يو آئی کے موقف کی حمايت کرتی ہوں۔

فہميدہ مرزا کے بیان پر تبصرہ کرتے ہوئے رہنما پيپلزپارٹی شازيہ مری کا کہنا تھا کہ ہماری جيت سے مخالفين کی ضمانتيں ضبط ہوگئيں۔ اسی ليے شکست يافتہ لوگ دھاندلی کے الزامات لگارہے ہيں۔

JUIF

NATIONAL ASSEMBLY

Tabool ads will show in this div