کراچی میں کورونا ایس او پیز پر سختی سے عملدرآمد کی ہدایت

سندھ بھرمیں کورونا ٹیسٹنگ اور کانٹیکٹ ٹریسنگ بڑھانے کا فیصلہ

وفاقی وزیر صحت عبدالقادر پٹیل نے کراچی میں کورونا ایس او پیز پر سختی سے عملدرآمد کرانے کی ہدایت کردی۔

این سی او سی نے کراچی اور سندھ میں کورونا کے بڑھتے کیسز کے پیش نظر کورونا ٹیسٹنگ اور کانٹیکٹ ٹریسنگ بڑھانے کا بھی فیصلہ کیا ہے۔

این سی او سی ٹیم کی محکمہ سندھ کے حکام کے ساتھ ملاقات ہوئی جس میں وزیر صحت اور سربراہ این سی او سی عبدالقادر پٹیل نے سندھ حکومت کو کراچی کے لیے حکمت عملی بنانے کی ہدایت کی۔

سربراہ این سی او سی کا کہنا تھا کہ پرہجوم جگہوں پر ماسک کے استعمال کو یقینی بنایا جائے، اندرون ملک پروازوں، ریلوے اورزمینی سفر کے دوران بھی ماسک کا استعمال کیا جائے۔

قومی ادارہ صحت کے مطابق 28 جون کو 24 گھنٹوں کے دوران 13 ہزار 759 ٹیسٹ کیے گئے جس میں مثبت کیسز کی شرح 2.42 رہی جبکہ دو مریض انتقال کرگئے، 85 مریض انتہائی نگہداشت میں ہیں۔

واضح رہے کہ کراچی میں کورونا وائرس کے کیسز میں تیزی سے اضافہ جاری ہے، تازہ ترین اعداد و شمار کے مطابق یہاں کورونا وائرس کے مثبت کیسز کی شرح 22 اعشاریہ 65 فیصد ریکارڈ کی گئی۔

کراچی

سندھ

COVID-19

Tabool ads will show in this div