راولپنڈی: پولیس مقابلے میں ڈکیت گینگ کا سربراہ ساتھی سمیت ہلاک

گینگ4 پولیس اورایک حساس ادارے کےافسر کےقتل میں ملوث تھا

راولپنڈی میں پولیس اور حساس ادارے کے مشترکہ آپریشن کے دوران بدنام زمانہ ڈکیت گینگ کا سربراہ بلال ساتھی سمیت مارا گيا۔

پولیس اور حساس ادارے نے نصیر آباد میں کامیاب کارروائی کرتے ہوئے بدنام زمانہ بلال ثابت ڈکیت گینگ کے سرغنہ کو ساتھی امتیاز سمیت ہلاک کر دیا جبکہ مارے جانے والے لٹیروں کا ایک ساتھی زخمی حالت میں گرفتار کرلیا گیا۔

پولیس کے مطابق بلال ثابت گینگ ایس ایچ او پشاور سمیت 4 پولیس افسران کو شہید کرنے میں ملوث تھا جبکہ حساس ادارے کا ایک افسر بھی اِس خونی گینگ کا نشانہ بنا۔

بلال ثابت اور ساتھیوں نے ایڈیشنل آئی جی موٹر وے پولیس سجاد افضل آفریدی پر بھی حملہ کیا تھا جبکہ 10 ستمبر 2021 کو موٹر وے ٹول پلازہ پر ہونے والے حملے میں ایڈیشنل آئی جی زخمی جبکہ اُن کے سینئر سرکاری افسر بھائی نعمان افضل جاں بحق ہوگئے تھے۔

ہلاک ہونے والے ڈاکو جڑواں شہروں کی پولیس کو انتہائی مطلوب تھے۔ ملزمان کیخلاف قتل اور ڈکیتی جیسے سنگین جرائم کے سینکڑوں مقدمات درج ہیں۔

PUNJAB POLICE

islamabad police

Tabool ads will show in this div