پاکستان نے افغانستان کے زلزلہ متاثرین کیلئے امدادی سامان بھجوا دیا
ہمسایہ ملک کو مشکل گھڑی میں ہر ممکن تعاون کی یقین دہانی
پاکستان نے افغانستان کے زلزلہ متاثرین کیلئے امدادی سامان بھجوا دیا ہے اور برادر ہمسایہ ملک کو مشکل گھڑی میں ہر ممکن تعاون کی یقین دہانی کرائی ہے۔
ترجمان این ڈی ایم اے کے مطابق وزیراعظم شہبازشریف کی ہدایت پر پاکستان کی جانب سے افغانستان کے زلزلہ متاثرین کو امدادی سامان بھجوا دیا گیا ہے۔
پاکستان کی جانب سے امدادی سامان کے 8 ٹرک گزشتہ رات افغانستان روانہ کئے گئے، جن میں خیمے۔ ترپال ، کمبل اور ضروری دوائيں شامل ہیں۔
پاکستان نے برادر ہمسایہ ملک کی حکومت اورعوام کو مشکل کی گھڑی میں ہرممکن تعاون کا یقین دلایا ہے۔
واضح رہے کہ گزشتہ روز افغانستان میں زلزلے سے ہونے والی تباہی کے دوران ایک ہزار سے زائد افراد جاں بحق اورسینکڑوں زخمی ہوگئے تھے۔
افغانستان
earthquake
تبولا
Tabool ads will show in this div
