اداکارعدنان صدیقی نے سچا عاشق رسول ہونے کا ثبوت دیدیا

اداکار کا بھارتی فنکاروں کے ساتھ اسٹیج شیئر کرنے سے انکار

پاکستانی ڈرامہ اور فلم انڈسٹری کے سینئر اداکارعدنان صدیقی نے بھارتی فنکاروں کو مدعو کرنے پر تقریب میں شرکت نہ کرنے کا اعلان کر دیا۔

اداکار عدنان صدیقی نے امریکا میں منعقدہ تقریب میں بھارتی فنکاروں کے ساتھ اسٹیج شیئر کرنے سے انکار کردیا۔

اداکار عدنان صدیق نے اے پی پی اے کا لوگوشیئر کرتے ہوے اپنی ٹوئٹ میں لکھا کہ دنیا بھر کے لاتعداد مسلمانوں سے اظہار یکجہتی کیلیے میں امریکا میں منعقدہ ایسوسی ایشن آف فزیشن آ ف پاکستانی ڈیسنٹ آف نارتھ امریکا( اے پی پی اے) کے ایونٹ میں نہ جانے کافیصلہ کیا ہے کیونکہ وہاں کچھ بھارتی اداکاروں کو بھی مدعو کیا گیا ہے۔

انہوں نے وضاحت کی کہ اس میں فنکاروں کیخلاف کچھ نہیں ہے لیکن میرا ضمیر مجھے بھارتی قیادت کی جانب سے رسول اللہ صلی اللہ علیہ وسلم کی شان میں گستاخی کو نظرانداز کرنے کی اجازت نہیں دیتا۔

واضح رہے کہ امریکی ریاست نیو جرسی میں پاکستانی نژاد ڈاکٹروں کی ایسوسی ایشن (اے پی پی این اے) کی جانب سے 13 سے 17 جولائی تک “گالا” کا اہتمام کیا جا رہا ہے جس میں عدنان صدیقی بھی شرکت کے لیے جانے والے تھے۔

adnan siddiqui

Tabool ads will show in this div