عمران خان کی مہم جوئی کو قوم نے مستردکردیا ،راناثناءاللہ

وزیرداخلہ رانا ثناء اللہ کا کہنا ہے کہ عمران خان کو قوم کا وقت ضائع نہیں کرنا چاہیے ان کی مہم جوئی کو قوم نے مستردکردیا۔

عمران خان کے خطاب پر تبصرہ کرتے ہوئے رانا ثناء اللہ کا کہنا تھا کہ آج قوم کو نہیں روکا لیکن اگر فراڈ بیانئے پر یقین رکھتی تو قوم نکلتی۔

وزیرداخلہ کا کہنا تھا کہ ساڑھے 3 سال ملک میں انتقام کی سیاست کی ہے ، ان کی کوشش تھی اپنی مرضی کے ججز لے کرآئیں، انہوں نے کہا کہ پی ٹی آئی کے احتجاج پر پوری نظر تھی، عمران خان کی مہم جوئی کو قوم نے مستردکردیا۔

دوسری جانب وزیراطلاعات مریم مریم اورنگزیب کا کہنا تھا کہ معاشی تباہی مسلط کرنے والے انقلاب کی باہرنکلنے کی ہمت نہیں، لوگوں کونکلنے کا اعلان کرکے انقلاب خود بنی گالہ میں چھپا ہواہے۔

مریم مریم اورنگزیب کا کہنا تھا کہ 25 مئی کو خونی مارچ کا اعلان کرکے خود ہیلی کاپٹر میں معلق رہے، انقلاب اب بنی گالہ میں دو جھنڈے لگا کراسکرین پہ بیٹھا ہے۔