حج پروازوں کا شیڈول جاری

وزارت مذہبی امور نے حج پروازوں کا شیڈول جاری کر دیا ہے۔ پہلی حج پرواز 6 جون کو اسلام آباد سے روانہ ہوگی۔

ترجمان مذہبی امور کے ترجمان کے مطابق 106 حج پروازوں کے ذریعے 32 ہزار عازمین کو سعودی عرب پہنچایا جائے گا۔ اسلام آباد سے روڈ ٹو مکہ پراجیکٹ کے تحت 42 پروازیں چلائی جائیں گی۔

فلائٹ آپریشن سے متعلق فلائٹ شیڈول ویب سائٹ پر آویزاں ہے اور عازمین کو موبائل میسج بھی جاری کر دیئے گئے۔

کن کن باتوں کا خیال رکھیں

عازمین حج کو ہدایت کی گئی ہے کہ کسی بھی پریشانی سے بچنے کیلئے پروازوں کے شیڈول پر سختی سے عمل کریں۔

عازمین حج جاری شیڈول کے مطابق قریبی اعتماد سینٹر سے بائیو میٹرک کروائیں۔

عازمین لازمی ویکسینز، شناختی لاکٹ، پاسپورٹ، حج ویزہ، ٹکٹ، ریسٹ بینڈ کے حصول کیلئے حاجی کیمپ رابطہ کریں۔

پرواز سے 72 گھنٹے کے اندر کووڈ پی سی آر ٹیسٹ سعودی منظور شدہ 6 لیبارٹریز سے کرانا لازمی ہے۔

عازمین حج کی سہولت کیلئے حاجی کیمپوں میں منظور شدہ لیبارٹریوں کے بوتھ قائم کر دیئے گیے ہیں۔

سعودی عرب روانگی کیلئے عازمین حج کا پی سی آر (منفی) ٹیسٹ سرٹیفکیٹ لازمی ہوگا۔

پی سی آر ٹیسٹ کے واجبات 4250 روپے عازمین حج کو خود دینا ہوں گے۔