سجل علی اور شہزاد رائے نے مداحوں کو تجسس میں ڈال دیا

پاکستان کی معروف اداکارہ سجل علی اورگلوکار شہزاد رائےبہت جَلد ایک پروجیکٹ میں اکٹھے نظر آ نے والے ہیں۔

اس پروجیکٹ ‘تم ہو تو’ کا جہاں عوام کو بے صبری سے انتظار تھا وہیں دونوں فنکاروں نے نیا ٹیزر جاری کر کے مزید تجسس پیدا کر دیا ہے۔

سجل علی اور شہزاد رائے کی جانب سے اپنے سوشل میڈیا اکاؤنٹ انسٹاگرام پر ویڈیو شیئر کی گئی ہے۔

اس ویڈیو کو ایسا بنایا گیا ہے کہ جیسے یہ دونوں فنکار آپس میں ویڈیو کال کر رہے ہیں اور زندگی مستحکم ہونے کے باوجود کام کرنے سے متعلق بات کر رہے ہیں۔

اس دوران یہ فنکار اس موضوع پر بات کر رہے ہیں کہ انسان پیسے کمانے کے لیے صرف کام کرتا ہے یا اس کی اور وجوہات بھی ہیں۔

بقول سجل علی یہ پروجیکٹ 4 جون کو منظرِ عام پر آ جائے گا جبکہ اس سے متعلق شائقین میں کافی جوش و خروش پایا جا رہا ہے۔