ترکی کے دشمن پاکستان کے دشمن ہیں، شہباز شریف

پاکستان اور ترکی کے درمیان جذباتی تعلق بہت گہرا ہے، وزیراعظم

PM Visit Turkey - Joint Press Conference of Prime Minister Shahbaz Sharif and Turkish President

وزیراعظم شہباز شریف کا کہنا ہے کہ ترکی کے دشمن پاکستان کے دشمن ہیں، دونوں ممالک کے درمیان جذباتی تعلق بہت گہرا ہے۔ ترک صدر رجب طیب اردوان نے کہا ہے کہ عوام کی خوشحالی کیلئے اقتصادی تعاون ترجیح ہے۔

انقرہ میں وزیراعظم شہباز شریف نے ترک صدر رجب طیب اردوان سے ایوان صدر میں ملاقات کی۔ جس کے بعد مشترکہ پریس کانفرنس میں ترک صدر کا کہنا تھا کہ وزیراعظم شہباز شریف سے عالمی امور پر بات چیت ہوئی، مختلف فورمز پر پاکستان اور ترکی یکساں مؤقف رکھتے ہیں، دونوں ممالک دوطرفہ تعلقات کو فروغ دینے کیلئے پُرعزم ہیں۔

انہوں نے کہا کہ بحری جہازوں کی تیاری میں پاکستان کو ہرممکن تعاون فراہم کررہے ہیں، عوام کی خوشحالی کیلئے اقتصادی تعاون ترجیح ہے، عالمی فورمز پر پاکستان کی بھرپور حمایت پر شکر گزار ہیں۔

مشترکہ پریس کانفرنس میں وزیراعظم شہباز شریف کا کہنا تھا کہ پُرتپاک استقبال پر ترک قيادت کے شکر گزار ہيں، ترک قيادت سے مختلف شعبوں ميں مذاکرات ہوئے، ترک صدر سے ملاقات انتہائی مثبت رہی، پاک، ترک اعلیٰ قيادت کی اگلی ملاقات ستمبر ميں اسلام آباد ميں ہوگی۔

انہوں نے کہا کہ ای کامرس، ٹور ازم، تعليم کے شعبوں ميں ترکی نے زبردست ترقی کی پاکستان اور ترکی کو کئی يکساں چيلنجز کا سامنا ہے، ترکی کے دشمن پاکستان کے دشمن ہیں۔

شہباز شریف کا مزید کہنا ہے کہ پاکستان اور ترکی کے درمیان گہرا جذباتی تعلق ہے، پاکستان کے عوام مسئلہ کشمیر پر ترکی کے واضح مؤقف پر مشکور ہیں، بھارت نے کشمیر کی جغرافیائی حیثیت تبدیل کرنے کی کوشش کی۔

Turkey

PM SHAHBAZ SHARIF

Tabool ads will show in this div