عمران خان 6 دن تو دور 6 صدیوں تک اسلام آباد نہیں آسکتے، وزیراطلاعات

وزیراطلاعات مریم اورنگزیب کا کہنا ہے کہ عمران خان 6 دن کا الٹی میٹم نہ دیں آپ6صدیوں تک دوبارہ اسلام آباد نہیں آسکتے۔

اسلام آباد میں پریس کانفرنس کے دوران مریم اورنگزیب کا کہنا تھا کہ عمران خان کا سیاسی بیانیہ دفن ہوچکا ہے، عمران خان نے آج خود تسلیم کیا کہ وہ ہار کر واپس گئے۔

مریم اورنگزیب کا کہنا تھا کہ اداروں کو دھمکیاں نہ دیں،نیوٹرلز نے نیوٹرل رہنے کا فیصلہ کیا ہے، الیکشن کا اعلان اپنی آئینی مدت پوری ہونے کے بعد کیا جائےگا۔

وزیراطلاعات نے عمران خان کو محاطب کرتے ہوئے کہا کہ آرام کریں اس حالت میں ٹی وی پرآنےکی ضرورت نہیں، ناکام ہوگئے تو سپریم کورٹ کو دھمکی دیتے ہوں کہ پوزیشن واضح کرے۔

انہوں نے کہا کہ عمران خان نے کہا ہم تیاری سے نہیں آئے تھے دوبارہ آئیں گے، ان کی تیاری صرف اسلحہ، ڈنڈے اور گولیاں جمع کرنے کی تھی، جب غنڈہ گردی اور بدمعاشی کی نیت ہو تو ایسے نتائج ہوتے ہیں۔

مریم اورنگزیب کا کہنا تھا کہ 35،35 لاکھ روپے لاکھ روپے خیبرپختونخوا کے ایم پی ایز اور ایم این ایز کودیے گئے مگر اس کے باوجود لوگ جمع نہیں کرسکے۔

وزیراطلاعات کا کہنا تھا کہ آپ اٹک سے ایف 8 تک پہچے کون سی رکاوٹ تھی؟ اسلام آباد پہچنے کے بعد آپ کی گاڑیاں15، 20رہ گئیں تھیں۔

وزیراطلاعات کا کہنا تھا کہ آپ اٹک سے ایف 8 تک پہنچے کون سی رکاوٹ تھی؟ اسلام آباد پہچنے کے بعد آپ کی گاڑیاں15، 20رہ گئیں تھیں۔

وزیراطلاعات کا کہنا تھا کہ جو جلسی نہیں کرسکا وہ 6 دن بعد لانگ مارچ کیسے کرنے آئے گا؟ خود ہیلی کاپٹرمیں تھے،عوام کوکال دے رہے تھے پولیس کو ڈنڈےمارو۔

انہوں نے کہا کہ تحریک انصاف کے عہدیدار نے اس پولیس انسپکٹر کو شہید کیا، جوپولیس انسپکٹرشہید ہوئے عمران خان ان کے گھرکیوں نہیں گئے۔

مریم اورنگزیب کا کہنا تھا کہ جس دن پتہ چلا عدم اعتماد کامیاب ہونیوالی ہے تب پٹرول پرسبسڈی دی، آئی ایم ایف معاہدے پر آپ نے دستخط کیے اس وجہ سے پیٹرول مہنگاہوا، آپ کو جواب اور حساب دونوں دینا پڑیں گے۔

انہوں نے کہا کہ وزیراعلیٰ کا گھر چھوڑیں پشاورمیں ہی رہنا ہے تو کرائے پر گھرلیں اور شہبازشریف کو دیکھیں اور سیکھیں کیسے کام کیا جاتاہے۔

مریم اورنگزیب کا کہنا تھا کہ وزیراعظم شہبازشریف آج قوم سےخطاب کریں گے اور اہم معاملات پر قوم کو اعتماد میں لیں گے۔