حقیقی آزادی مارچ، یوٹرن ، اسٹیبلشمنٹ اوراسلامک ٹچ

اثرجاتے جاتے ہی جائے گا

سربراہ پی ٹی آئی عمران خان نے گزشتہ رات حکومت کو اسمبلیاں توڑنے کے لیے 6 دن کی مہلت دیتے جون میں الیکشن کے مطالبے کے ساتھ لانگ مارچ کے خاتمے کا اعلان کیا لیکن اس ایک روزہ لانگ مارچ کے دوران پیش آنے والے کئی ناخوشگوار واقعات کا اثرجاتے جاتے ہی جائے گا۔

جناح ایونیو اسلام آباد میں لانگ مارچ کے شرکا سے خطاب کے دوران لانگ مارچ ختم کرنے کا اعلان کرنے والےعمران خان کا کہنا تھا کہ حکومت کو 6 دن دیتا ہوں، اسمبلیاں تحلیل کریں اورجون میں الیکشن کا اعلان کریں ورنہ پوری قوم کو لے کراسلام آباد آؤں گا۔

اس سے قبل سپریم کورٹ نے بدھ کی شام پی ٹی آئی کو جلسے کی اجازت دی تھی جس کے بعد راولپنڈی ، اسلام آباد کی سڑکوں پر لگائی گئی رکاوٹیں ہٹانے کا آغازہوا اورپی ٹی آَئی کارکنوں کی بڑی تعداد اسلام آباد میں داخل ہوئی۔

شام سے عمران خان کے لانگ مارچ خاتمے کے اعلان تک کے اس وقت میں سوشل میڈیا پر وائرل ویڈیوز میں مظاہرین اورپولیس میں تصادم ، نعرے بازی اور ریڈ زون کے قریب بلیو ایریا کے گرین بیلٹ میں درختوں اور میٹرو اسٹیشن کو آگ لگائے جانے جیسے تکلیف دہ مناظر کی متعدد ویڈیوز سوشل میڈیا پروائرل ہوئیں۔

ٹوئٹر پر ہیش ٹیگ کے ساتھ اسٹیبلشمنٹ، یوٹرن، حقیقی آزادی مارچ اور بلیوایریا جیسے ٹاپ ٹرینڈز دیکھے گئے۔

مخالفین کا دعویٰ رہا کہ آگ پی ٹی آئی کارکنوں نے لگائی جبکہ تحریک انصاف کاکہنا تھا کہ یہ پولیس شیلنگ کے باعث لگی ہے۔

کنٹینرپرعمران خان کے خطاب کے دوران قاسم سوری کی سرگوشی ‘خان صاب، اسلامک ٹچ دیں’ بھی توجہ کا مرکزرہی۔

پی ٹی آَئی کے حامی ہمیشہ کی طرح اس بار بھی ‘گلوبٹ’ کو تڑیاں لگانا نہیں بھولے۔

لانگ مارچ کے خاتمے کے بعد ملک بھر میں روزمرہ زندگی معمول پر آگئی ہے۔ اسلام آباد میں تحریک انصاف کے کارکنوں نے ڈی چوک خالی کردیا، لاہور میں معمولات زندگی بحال ہوگئے ہیں جب کہ کراچی کی نمائش چورنگی پر بھی زندگی معمول کی طرح رواں دواں ہوگئی ہے۔

PTI,

Long March,

PMLN,

Imran Khan,

Blue Area,

Tabool ads will show in this div