حکومتی ٹیم وقت پر نہ پہنچی، پی ٹی آئی سے مذاکرات نہ ہوسکے

پی ٹی آئی سے معاہدہ کرنے کےلیے تیار ہیں،سردار ایاز صادق
May 25, 2022

سپریم کورٹ کی ہدایت پر مقررہ وقت پر حکومتی مذاکراتی ٹیم کے نہ پہچنے پر تحریک انصاف کے رہنماوں سے مذاکرات ممکن نہ ہوسکے۔

تحریک انصاف کے رہنما ڈاکٹر بابر اعوان اور فیصل چوہدری حکومتی ٹیم سے مذاکرات کےلیے کمشنرآفس پہنچے تھے مگر حکومتی ٹیم کے تاخیر سے پہچنے پر وہاں سے چلے گئے۔

دوسری جانب میڈیا سے گفتگو میں ایاز صادق کا کہنا تھا کہ ہمیں10 بجے پہنچنے کا وقت دیا گیا تھا مگر راستوں کی بندش کے باعث تاخیر سے پہنچے۔

ایاز صادق کا کہنا تھا کہ ہم چیف کمشنر سے رابطے میں تھے انہیں کہا تھا کہ ہم آرہے ہیں،مزید کہا پی ٹی آئی نے جو معاہدہ جے يو آئی سے کيا تھا وہی معاہدہ کرنے کو تیار ہیں۔

وفاقی وزیر مواصلات مولانااسعدمحمود کا کہنا تھا کہ حیران ہوں تحریک انصاف کے رہنماوں نے ہمارا 15،20منٹ بھی انتظارنہیں کیا ، مظاہرے ہم نے بھی کیے مگر کبھی کوئی دکان بند نہیں ہوئی۔

Long march

PTI

PML N

Tabool ads will show in this div