کیا واقعی وزیراعظم نے کنگنا رناوت کیلئے تعریفی ٹویٹ کی ؟

بالی ووڈ اداکارہ نے اسکرین شاٹ شیئر کیا تھا
May 23, 2022

کارکردگی سے زیادہ اکثروبیشترمتنازع بیانات کے باعث شہرت رکھنے والی اداکارہ کنگنا رناوت ان دنوں اپنی نئی فلم دھاکڑکے لیے تعریفیں سمیٹ رہی ہیں۔

لیکن پاکستانی سوشل میڈیا پرکنگنا کی اس نئی فلم سے زیادہ ان کی انسٹاگرام اسٹوریزسےشیئرکیے جانے والے ایک اسکرین شاٹ کو توجہ مل رہی ہے۔

اس اسکرین شاٹ میں وزیراعظم پاکستان شہبازشریف کی جانب سے بالی ووڈ اداکارہ کی صلاحیتوں کو خاصا سراہا گیا ہے۔

لیکن مختلف حلقوں میں یہ بات زیربحث ہے کہ کیا واقعی مشکل ملکی صورتحال سے نبردآزما وزیراعظم پاکستان کے پاس اتنی فرصت ہے کہ وہ بھارتی اداکارہ کی پرفارمنس دیکھ کرپھرسوشل میڈیا پلیٹ فارم پرتعریفی کلمات بھی کہیں؟۔

ٹوئٹرکی جانب سے شہبازشریف کے نام سے اس مصدقہ اکاؤنٹ کا ہینڈل ‘رمیزراجہ لائیو’ صارفین کوچونکانے کا باعث توبنا ہی لیکن مزید تسلی ڈیجیٹل میڈیا کے لیے وزیراعظم کے فوکل پرسن ابوبکرعمرکی ٹویٹ نے کروادی کہ کنگنا کے اسکرین شاٹ میں نظرآنے والا یہ جعلی اکاؤنٹ ہے نہ کہ اصلی۔

ابوبکرکی ٹویٹ پرصارفین نے محظوظ ہوتے ہوئے خوب تبصرے بھی کیے۔

وزیراعظم کے نام سے منسوب کیا جانے والا یہ جعلی اکاؤنٹ فی الحال معطل کردیا گیا ہے۔

Shehbaz Sharif, Kangana Ranaut, Bollywood,

Tabool ads will show in this div