دیکھومریم ! دھیان کرو۔۔ عمران خان سوشل میڈیاپرتنقید کانشانہ

صارفین کی بڑی تعداد نے غم وغصے کااظہارکیا

سابق وزیراعظم عمران خان کے ملتان جلسے سے خطاب کے دوران مریم نواز سے متعلق ان کا بیان سوشل میڈیا پرزیربحث ہے۔

پی ٹی آئی سربراہ نے گزشتہ رات دوران خطاب مریم کو مخاطب کرتے ہوئے کہا تھا، ‘مریم نواز نے اپنی تقریرمیں جذبے اورجنون سے اتنی بار میرا نام لیا کہ میں اس کو کہنا چاہتا ہوں کہ مریم! دیکھو تھوڑا دھیان کرو، کہیں تمہارا خاوند ہی ناراض نہ ہوجائے’۔

معروف شخصیات سمیت سوشل میڈیا پرصارفین کی بڑی تعداد نے عمران خان کےاس بیان کو ناشائستہ قراردیتے ہوئے ان پرتنقید کی ۔

ماہین غنی تاثیرنے عمران خان کے بیان کوشرمناک قراردیا۔

گلوکار جواد احمد نے بھی سخت الفاظ میں مذمت کی۔

صحافی ماریانا بابرنے اس بیان کو ‘نسلوں تک برقراررہنے والی دشمنی’ کی بنیاد رکھنے سے سے تعبیر کرتے ہوئے اپنی ٹویٹ میں کہا کہ ہمارے معاشرے میں شوہراپنی بیویوں سے متعلق ایسے ریمارکس برداشت نہیں کرسکتے، اگر سابق وزیراعظم نے یہ بات ہمارے گاؤں یا خیبرپختونخوا کی کسی خاتون کو کہے ہوتے تو کوئی سکیورٹی کافی نہیں تھی۔’

ماروی میمن نے اس مسئلے کو صرف عمران خان نہیں بلکہ تمام مردوں کا عمومی مسئلہ قراردیا۔

بہت سے حامی ایسے بھی تھے جوماضی میں مریم کے بیانات کے کلپس شیئرکرکے ان کے اس موقف کی توجیہات پیش کرتے رہے۔

سابق وزیراعظم کے اس بیان کے بعد سے ٹوئٹرپر دونوں جماعتوں کے حامیوں کی جانب سے کئی نامناسب الفاظ پرمبنی ٹرینڈزدیکھنے میں آرہے ہیں، باشعورصارفین کی جانب سے سیاسی مخالفت میں ایسے طرزعمل سے قطعی اجتناب کرنے کی تلقین کی جارہی ہے۔

واضح رہے کہ حکومت ختم ہونے کے بعد سے عمران خان نے مختلف شہروں میں جلسے کرنے کااعلان کیا تھا اور ملتان جلسہ بھی اسی سلسلے کی آخری کڑی تھا۔

جلسے میں عمران خان نے 25 سے 29 مئی کے دوران مشاورت کے بعد مارچ کرنے اعلان کرتے ہوئے کہا کہ عوام تیاررہیں۔

MARYAM NAWAZ, IMRAN KHAN,

Tabool ads will show in this div