وزیر خارجہ بلاول بھٹو آج چین کے دورے پر روانہ ہونگے

یہ دورہ پاک چین تعلقات کےقیام کی71ویں سالگرہ کےموقع پربھی ہورہاہے

وزیر خارجہ بلاول بھٹو آج بروز ہفتہ 21 مئی کو دو روزہ سرکاری دورے پر چین روانہ ہونگے۔

ترجمان دفتر خارجہ کے مطابق وزیر خارجہ بلاول بھٹو زرداری چینی ہم منصب کی دعوت پر چین جائیں گے۔ حنا ربانی کھر، وزارت خارجہ کے اعلیٰ حکام کا وفد بھی ان کے ہمراہ روانہ ہوگا۔

دورے کے دوران بلاول بھٹو چینی ہم منصب کے ساتھ ون آن ون اہم ملاقات کریں گے۔

دورے کے دوران وزیر خارجہ اسٹیٹ کونسلر اور وزیر خارجہ وانگ یی کے ساتھ مشاورت کریں گے۔

دونوں رہنما پاکستان اور چین کے درمیان مضبوط تجارتی اور اقتصادی تعاون پر خصوصی توجہ کے ساتھ دو طرفہ تعلقات کے تمام پہلوؤں کا جائزہ لیں گے۔ چین پاکستان اقتصادی راہداری پر تیز رفتار پیش رفت، صدر شی جن پنگ کے وژنری بیلٹ اینڈ روڈ انیشی ایٹو کا فلیگ شپ پروجیکٹ، بھی زیر موضوع آئے گا۔

دونوں فریقین اہم علاقائی اور بین الاقوامی امور پر بھی وسیع پیمانے پر تبادلہ خیال کریں گے۔

ترجمان کا مزید کہنا تھا کہ دونوں وزارئے خارجہ پاکستان چین تعلقات کے تمام پہلوؤں کا جائزہ لیں گے۔

ملاقات میں پاک چین اقتصادی راہداری میں پیشرفت پر بھی بات چیت ہوگی۔ یہاں یہ بات بھی قابل ذکر ہے کہ گزشتہ ماہ اقتدار سنبھالنے کے بعد وزیر خارجہ بلاول بھٹو زرداری کا یہ پہلا بیرون ملک دورہ ہوگا۔

وزیر خارجہ بلاول بھٹو زرداری کا دورہ پاکستان اور چین کے درمیان سفارتی تعلقات کے قیام کی 71 ویں سالگرہ کے موقع پر بھی ہوگا۔

قبل ازیں اسٹیٹ کونسلر وانگ یی نے وزیر خارجہ بلاول بھٹو زرداری کو وزیر خارجہ کا عہدہ سنبھالنے پر مبارکباد کا خط لکھا تھا۔ دونوں وزرائے خارجہ نے اس سے قبل 11 مئی 2022 کو ورچوئل میٹنگ کی تھی۔

وزیر خارجہ کا دورہ دونوں فریقوں کے درمیان اعلیٰ سطحی تبادلوں کا حصہ ہے جس میں حال ہی میں وزیر اعظم لی کی چیانگ کی طرف سے وزیر اعظم کو مبارکباد کا پیغام اور 16 مئی 2022 کو دونوں وزرائے اعظم کے درمیان ٹیلی فون پر بات چیت بھی شامل ہے۔

وزیر خارجہ کا دورہ پاکستان اور چین کے درمیان وقتی تجربہ شدہ ہمہ موسمی اسٹریٹجک کوآپریٹو پارٹنرشپ کو مزید مضبوط بنانے، سی پیک سے متعلق مصروفیات کو بڑھانے اور گہرا کرنے اور دونوں ممالک اور عوام کے فائدے کے لیے دو طرفہ تعاون کی نئی راہوں کی نشاندہی میں مدد فراہم کرے گا۔

FOREIGN MINISTER

CHINA

BILAWAL BHUTTO

Tabool ads will show in this div