حدیقہ کیانی ٹائمزاسکوائرنیویارک کے بل بورڈ پر

گلوکارہ نے انسٹاگرام پرخوشخبری شیئرکی

نیویارک کے مشہورومعروف ٹائمزاسکوائرپرپاکستان کی ہردلعزیز گلوکارہ حدیقہ کیانی کی تصویر حیرت انگیز خوشی کا باعث بن گئی۔

اداکارہ وگلوکارہ نے انسٹاگرام اور ٹوئٹرپر مداحوں اور فالوورزکے ساتھ یہ خوشخبری شیئرکی۔

حدیقہ کی تصویر کو ٹائمز اسکوائر بل بورڈ پرآڈیو اسٹریمنگ سروس اسپاٹی فائی کے پروگرام ایکوئل پاکستان کے تحت آویزاں کیا گیا ہے۔

اسپاٹی فائی پربیحد پسند کی جانے والی حدیقہ کو ’آرٹسٹ آف دی منتھ ’ قراردیاگیاہے۔

یہ منظم پروگرام پاکستان کی آڈیو انڈسٹری سے منسلک خواتین کی ترقی میں مزید معاونت کے لیے ہے۔

حدیقہ سے قبل گریمی ایوارڈ جیتنے والی پاکستانی نژاد امریکی گلوکارہ عروج آفتاب کی تصویر بھی ٹائمز اسکوائر پر آویزاں کی گئی تھی، عروج آفتاب اس عالمی مہم کاحصّہ ہیں اور اسی لیے نیویارک میں ڈیجیٹل بل بورڈ پرلگے اشتہار میں بطور ‘ایکوئل آرٹسٹ آف دی منتھ’ ان کی تصویر کو آویزاں کیا گیا تھا۔

Tabool ads will show in this div