کرکٹ بورڈ کا سٹی کرکٹ ایسوسی ایشن انڈر19 ٹورنامنٹ کےاسکواڈزکا اعلان

یہ ٹورنامنٹ 21 مئی سے 4 جون تک جاری رہے گا

پاکستان کرکٹ بورڈ نے سٹی کرکٹ ایسوسی ایشن انڈر 19 ٹورنامنٹ کے لیے بلوچستان، سینٹرل پنجاب، خیبرپختونخوا، ناردرن، سندھ اور سدرن پنجاب کی سٹی کرکٹ ایسوسی ایشنز کے 93 اسکواڈز کا اعلان کردیا ہے۔ 50 اوورز پر مشتمل یہ ٹورنامنٹ 21 مئی سے 4 جون تک جاری رہے گا۔

ٹورنامنٹ کے لیے اعلان کردہ اسکواڈز میں وہ کھلاڑی شامل ہیں جو یکم ستمبر 2003 کو یا اس کے بعد یا یکم ستمبر 2007 سے پہلے پیدا ہوئے ہیں۔

یہ ٹورنامنٹ نوجوان کھلاڑیوں کو اپنی صلاحیتوں کے اظہار کا بھرپور موقع فراہم کرے گا، جس میں عمدہ کارکردگی کی بدولت انہیں پی سی بی انڈر 19 تھری ڈے اور انڈر 19 ون ڈے ٹورنامنٹس کےعلاوہ پاکستان جونیئر لیگ میں جگہ بنانا بھی شامل ہے۔

تمام اسکواڈز کا انتخاب اوپن ٹرائلز کے ذریعے میرٹ کی بنیاد پر کیا گیا ہے۔ گزشتہ سی سی اے انڈر 19 ٹورنامنٹس میں بہترین کارکردگی کا مظاہرہ کرنے والے وہ کھلاڑی جو اب بھی عمر کی مقررہ حد پر پورا اترتے ہیں انہیں اس مرتبہ بھی اسکواڈز کا حصہ بنایا گیا ہے۔

کھلاڑیوں کی صحت کی حفاظت کے پیش نظر پی سی بی احتیاطی تدابیر اختیار کرتے ہوئے کھلاڑیوں کو میچ کے دوران اپنا سر فلاپی ٹوپی سے ڈھانپے رکھنے اور گیلے تولیے استعمال کرنے کی ترغیب دے گا۔

اس سلسلے میں میچز کے اوقات کار بھی موسم کو مدنظر رکھتے ہوئے ترتیب دئیے گئے ہیں۔ تمام میچز صبح 8:30 بجے سے دوپہر 1 بجے تک جاری رہیں گے۔ دوپہر 1 سے 4 بجے تک میچز میں وقفہ ہوگا، جو دوبارہ 4 بجےشروع ہوکر شام 6:30 بجے تک جاری رہیں گے۔

pakistan cricket team

chairman pcb

Tabool ads will show in this div