الیکشن کمیشن پی ٹی آئی کے منحرف ارکان کيخلاف اسپيکر کے ريفرنس پر فیصلہ محفوظ کل سنائے گا۔

تحریک انصاف کے 25 منحرف ارکان پنجاب اسمبلی کے نااہلی ریفرنسز کا فیصلہ کل تین بجے سنایا جائے گا۔

الیکشن کمیشن نے پی ٹی آئی کے منحرف ارکان کيخلاف اسپيکر کے ريفرنس پرفیصلہ منگل کو محفوظ کرلیا تھا۔

خیال رہے کہ پنجاب کے وزارت اعلیٰ کے انتخاب کے وقت تحریک انصاف کے 25 ارکان اسمبلی نے تحریک انصاف کے امیدوار کے بجائے ن لیگ کے امیدوار حمزہ شہباز کی حمایت کی تھی۔

عمران خان کے خلاف بغاوت کرنے والے پنجاب اسمبلی کے 25 ارکان کیخلاف چیئرمین پی ٹی آئی کی جانب سے بھیجے گئے ریفرنسز پر فیصلہ کل سنایا جائے گا۔

الیکشن کمیشن نے گزشتہ روز سپریم کورٹ کی طرف سے منحرف اراکین کے حوالے سے فیصلہ آنے پر عدالت سے فیصلے کی تصدیق شدہ کاپی حاصل کر کے لیے رجوع کیا تھا۔