حج کےحوالےسےجلدقوم کوخوشخبری ملےگی،وفاقی وزیرمفتی عبدالشکور

سعودی عرب کا حالیہ دورہ کامیاب رہا

وفاقی وزیرمذہبی امور مفتی عبدالشکور نے کہا ہے کہ حج کے حوالے سے دو یا تین دن  کے اندر قوم کو بڑی خوشخبری دوں گا۔

ٹوئٹر پیغام میں مفتی عبدالشکور نےبتایا کہ پہلے دن سے میری کوشش تھی کہ کسی بھی طریقے سے تحریک انصاف حکومت کی نااہلی کی وجہ سے مہنگےحج کو کم سے کم کرکےعوام کو ریلیف دوں۔

انھوں نے بتایا کہ سعودی عرب کا حالیہ دورہ کامیاب رہا اورچند ہی دنوں میں قوم کوخوشخبری دی جائے گی۔

 وزارتِ مذہبی امور کی جانب سے جاری بیان کے مطابق رواں سال سرکاری حج اخراجات 7  سے 10 لاکھ روپے تک پہنچ گیا ہے جبکہ دیگر برسوں کی نسبت درخواستیں بھی کم وصول ہوئی ہیں۔

وزارت مذہبی امور نے سرکاری حج اسکیم  2022  کے تحت فریضہ مقدسہ ادا کرنے والے 31 ہزار 253 عازمین کے ناموں کا اعلان بھی کردیا ہے۔

واضح رہے کہ حج 2022 میں پاکستان کا کوٹہ 81 ہزار 132 عازمین کا ہے، جب کہ سال 2019 میں سرکاری کوٹہ 4 چار لاکھ 82 ہزار تھا۔

حج کیلئے اس سال عمل کی حد مقرر

حج کیلئے اس سال عمر کی بالائی حد 65 سال مقرر کی گئی ہے، حج کیلئے کرونا ویکسین اور بوسٹر ڈوز لگوانا لازم ہے۔

وزیر مذہبی امور مفتی عبدالشکور نے اسلام آباد میں پریس کانفرنس کرتے ہوئے کہا تھا کہ وبائی مرض سے کافی حد تک نجات مل چکی ہے، اس سال سعودی عرب حکومت نے بین الاقوامی سطح پر حج کا اعلان کیا ہے، عمرہ کے لئے آسانیاں پیدا کرنے پر سعودی عرب کے شکر گزار ہیں، قلیل وقت میں حج تعلیمات میں کافی مشکلات ہیں، وزارت مذہبی امور سعودی وزارت حج سے مسلسل رابطے میں ہے۔

hajj

Pakistan Latest News

Tabool ads will show in this div