بالی ووڈ کے کھلاڑی ایک بار پھر کورونا کا شکار

اکشے دوسری بار کورونا کی لپیٹ میں آئے ہیں
<p>اکشے دوسری بار کورونا کی لپیٹ میں آئے ہیں</p>

اکشے دوسری بار کورونا کی لپیٹ میں آئے ہیں

بالی ووڈ کے کھلاڑی اکشے کمار ایک مرتبہ پھر کورونا کا شکار ہوگئے ہیں۔

دنیا کا سب سے بڑا سالانہ فلمی میلہ کانز فلسم فیسٹیول 17 مئی سے فرانس میں ہورہا ہے، فیسٹیول میں رواں سال خاص طور پر بھارتی پویلین لگایا جارہا ہے، جس میں مختلف زبانوں میں ٹخلیق کی گئیں 6 بھارتی فلموں کی نمائش کی جائے گی۔

فلم فیسٹیول میں بھارتی سپر اسٹارز کی شرکت تو معمول کی بات ہے لیکن اس مرتبہ بھارت کی جانب سے سرکاری سطح پر ایک وفد کانز جارہا تھا جس میں بالی ووڈ کے کھلاڑی اکشے کمار بھی شامل تھے۔

فرانس روانگی سے چند روز قبل ہی اکشے کمار نے شرکت سے معذرت کرلی اور اس کی وجہ انہوں نے کورونا بتائی ہے۔

اپنی ٹوئٹ میں اکشے کمار نے کہا کہ وہ کانز 2022 کے انڈیا پویلین میں ملک کی نمائندگی پر کافی پرجوش تھے لیکن افسوس کہ وہ دوبارہ کورونا کا شکار ہوگئے ہیں، اس لئے کانز میں شرکت کے بجائے گھر پر آرام کریں گے۔

اکشے کمار نے مزہد کہا کہ وہ انوراگ ٹھاکر اور ان کی پوری ٹیم کے لئے نیک خواہشات کا اظہار کرتے ہیں۔

اکشے دوسری بار کورونا کی لپیٹ میں آئے ہیں۔ اس سے قبل وہ ملک میں کورونا کی دوسری لہر میں بھی متاثر ہوئے تھے۔

دوسری جانب ممبئی کے بلدیاتی ادارے بی ایم سی حکام کی جانب سے کہا گیا ہے کہ اکشے کمار کا نام ان کی کوویڈ مثبت مریضوں کی فہرست میں شامل نہیں۔ شاید اس نے گھر پر اپنا ٹیسٹ کروایا تھا۔

بی ایم سی حکام کا کہنا تھا کہ اکشے کو کووڈ مثبت کو نشان زد کرنے کے لیے آفیشل ایپ کا استعمال کرنا ہوگا۔ اس کے ساتھ معیاری طریقہ کار کے مطابق انہیں 7 دن تک گھر پر قرنطینہ اختیار کرنا ہوگا۔

اکشے کمار کی فلم پرتھوی راج 3 جون کو بھارت سمیت دنیا بھر میں ریلیز ہونے جا رہی ہے۔اس کے علاوہ انہوں نے حال ہی میں فلم سیلفی کی شوٹنگ بھی مکمل کی ہے۔

BOLLY WOOD

bollywood actress

Akshey Kumar

Tabool ads will show in this div