فضل الرحمان کےہوتےہوئےیہودیوں کےایجنٹ کی ضرورت نہیں

پشاور :چیئرمین عمران خان کا کہنا ہے کہ جب لیڈر خود چور ہو تو ادارے کیسے آزاد ہونگے، میاں صاحب اب اپنے امپائر بھی کھڑے کردو لیکن شکست آپ ہی کی ہوگی، کپتان کا کہنا تھا کہ خدانخواستہ ملک کا وزیراعظم یہودی بھی بنا دیا تو مولانا فضل الرحمان اس کے بھی وزیر بن جائیں گے۔ ہوم گراؤنڈ پر جلسے سے خطاب میں پاکستان تحریک انصاف کے سربراہ عمران خان نے تقریر کا آغاز ہاؤسنگ کے وفاقی وزیر اکرم خان درانی کو تنقید کا نشانہ بناتے ہوئے کیا، کپتان کا کہنا تھا کہ بنوں کے جلسے میں اکرم خان درانی نے بہت فنکاریاں دکھائیں،نواز شریف حکم کریں میں بنی گالہ کی اینٹ سے اینٹ بجا دوں گا، خیبرپختونخوا کی حکومت بھی گرا سکتا ہوں لیکن یہ تو بتائیں کہ آپ حکومت گرائیں گے کیسے، کیا رشوت کے ذریعے ہمارے اسمبلی ارکان کو خریدیں؟؟، یہ کیسے اسلام کے عالم ہیں جو لوگوں کے ضمیروں کا سودا کرکے حکومت گرانے کی بات کرتے ہیں۔

انہوں نے کہا کہ اسلام کے نام پر سیاست کرنے والوں کو شرم آنی چاہیے، اور میں چاہتا ہوں کہ میرے ارکان اسمبلی کی قیمت لگاؤ تاکہ ہمیں بھی کچرا صاف کرنے کا موقع ملے۔

مزید جانیے ؛ پی ٹی آئی جلسےمیں ماڈل عینی سےبدتمیزی،بھاگ کرجان بچائی

عمران خان کا کہنا تھا کہ وزیراعظم صاحب سڑکیں بنانے سے قومیں ترقی نہیں کرتی بلکہ تعلیم، روزگار اور صحت کی سہولت دینے سے قومیں ترقی کرتی ہیں، آپ کو نیا خیبرپختونخوا نظر نہیں آرہا کیونکہ آپ غلط جگہ نیا پاکستان ڈھونڈ رہے ہیں، نیا پاکستان بننے کا عمل خیبرپختونخوا سے شروع ہوچکا ہے۔

چیرمین تحریک انصاف کا کہنا تھا کہ مولانا فضل الرحمان کے ہوتے ہوئے کسی کو یہودی کا ایجنٹ بننے کی کوئی ضرورت نہیں، جو ظلم آپ پاکستان کے ساتھ کررہے ہیں اتنا تو کوئی یہودی بھی نہیں کرے گا جب کہ فضل الرحمان نے پرویز مشرف، آصف زرداری اور نوازشریف سمیت سب کی حکومتوں کا ساتھ دیا اور خدانخواستہ پاکستان کا وزیراعظم یہودی بن جائے تو مولانا اس  کا بھی ساتھ  دیں گے اور فتویٰ دیں گے کہ یہودی کے نیچے حکومت کرنا جائز ہے۔

انہوں نے کہا کہ میاں صاحب غلط جگہ نیا خیبرپختونخوا ڈھونڈ رہے ہیں، کیوں کہ سڑکیں اور پل بنانے سے قومیں نہیں بنتی بلکہ لوگوں پر سرمایہ کاری کرکے انہیں روزگار اور تعلیم دیں اور ان کی خدمت کریں کیوں کہ یہی آگے جاکر قوم بنائیں گے۔

مزید پڑھیں ؛ پی ٹی آئی جلسے میں بدنظمی کا تیسرا واقعہ، کارکنوں لڑپڑے

تنقید کے مزید نشتر برساتے ہوئے کپتان کا کہنا تھا کہ فضل الرحمان جیسے لوگ ہیں جو کرپشن بچانا چاہتے ہیں، لیکن میاں صاحب آپ اپنے امپائر بھی کھڑے کردو لیکن شکست آپ کی ہوگی، ہم نے صرف چار حلقے کھلوانے کا کہا تھا اور  تین وکٹیں ہم گراچکے ہیں جب کہ چوتھی وکٹ بھی جلد گرنے والی ہے کیوں کہ خواجہ آصف کے حلقے سے تیس ہزار جعلی ووٹ نکلیں۔

ان کا کہنا تھا کہ ملک کو عظیم بنانے کے لیے لیڈر کو ایماندار ہونا چاہیے اور اگر لیڈر بدعنوان ہو تو ملک تباہ ہوجاتا ہے، رہنما ایماندار ہو تو ملک میں بڑی کرپشن نہیں ہوتی، دوسری بڑی جماعت ہونے کے ناطے وزیراعظم سے جواب مانگا تھا تاہم جواب دینے کے بجائے نوازشریف آج بھی معصوم شکلیں بنا رہے ہیں۔ سماء