اے ڈی بی پاکستان کو 4 ارب ڈالر قرض دیگا، اسحاق ڈار

May 04, 2016

Ishaq Dar New Isb 23-04

برلن : اسحاق ڈار کا کہنا ہے کہ عالمی ادارے پاکستان کی معیشت میں بہتری کا اعتراف کررہے ہیں، ایشیائی ترقیاتی بینک پاکستان کو 4 ارب ڈالر قرضہ دے گا۔

وفاقی وزیر خزانہ اسحاق ڈار نے جرمنی میں ایشیائی ترقیاتی بینک کے اجلاس سے خطاب کیا۔ اس موقع پر ان کا کہنا تھا کہ سماجی تحفظ کے پروگرام پر کامیابی سے کام جاری ہے، عالمی ادارے پاکستان کی معیشت میں بہتری کا اعتراف کررہے ہیں۔

ان کا مزید کہنا تھا کہ ایشیائی ترقیاتی بینک آئندہ 3 سال میں پاکستان کو 4 ارب ڈالر قرضہ دے گا، یہ رقم کنٹری پارٹنر شپ اسٹریٹجی کے تحت دی جائے گی۔

واضح رہے کہ موجودہ حکومت 3 سال کے عرصے میں میں ریکارڈ بیرونی قرضے لے چکی ہے۔ سماء

IshaqDar

DOLLARS

ADB

Tabool ads will show in this div