کرپشن ثابت ہونےپرنوازشریف گھرنہیں جیل جائیں گے

لاہور : کپتان نے میاں صاحب کے گڑھ میں بیٹھ کر میاں صاحب کو للکارتے ہوئے کہا ہے کہ بزنس میں وزیراعظم کرپشن کے سوال پر لال پیلے ہو جاتے ہیں لیکن اب ان کے پاس وزارت عظمیٰ پر رہنے کا کوئی اخلاقی جواز نہیں رہ گیا، کرپشن ثابت ہونے پر وزیراعظم گھر نہیں جیل جائیں گے۔ مزید پڑھیں : وزیراعظم کا استعفیٰ، بلاول کا بیان پی پی پی پالیسی قرار لاہور میں عوام بڑے جلسے سے خطاب میں کپتان نے وفاقی وزرا اور وزیراعظم کو آڑے ہاتھوں لے لیا، کپتان کا کہنا تھا کہ پاکستان میں جس کی لاٹھی اس کی بھینس والا قانون ہے، غریب چوری کرے تو اسے جیل بھیج دیا جاتا ہے، مگر کوئی بڑا ڈاکو کچھ کرے تو وزیراعظم اور صدر بن جاتا ہے، تو کیا ایسا ملک چل سکتا ہے؟ اگر حکمران ہی کرپٹ ہوں تو ملک کس طرح ترقی کر سکتا ہے؟۔ مزید دیکھیں : جلد دودھ کا دودھ پانی کا پانی ہوجائے گا عمران خان کا کہنا تھا کہ لیڈرز کی اخلاقیات معاشرے کیلئے مثال ہوتی ہے، مگر افسوس کہ جب کسی معاشرے کا سربراہ ہی کرپٹ ہو تو سب کچھ تباہ ہو جاتا ہے، پاکستان کیلئے اس وقت بہت فیصلہ کن وقت ہے، قوم نے وزیراعظم کے احتساب کا مطالبہ کیا تو ملک کی تقدیر بدل جائے گی۔ مزید دیکھیں : کیاکوئی ٹیکس چوروزیراعظم بن سکتاہے عمران نے کہا کہ اب وزیراعظم نواز شریف کے پاس وزارت عظمیٰ پر رہنے کا کوئی اخلاقی جواز نہیں رہ گیا، ان پر کرپشن، ٹیکس چوری اور منی لانڈرنگ کے الزامات ہیں، جو ثابت ہوگئے تو وہ سیدھے جیل جائیں گے، میاں صاحب سے جواب مانگو تو ان کا منہ لال ہو جاتا ہے، میاں صاحب جواب دینے کے بجائے مانسہرہ چلے گئے، میاں صاحب آپ جوابدہ ہیں، آپ کو جواب دینا پڑے گا، جمہوریت میں نواز شریف آپ کو جواب دینا پڑے گا، میاں صاحب پاناما پیپرز میں میرا نہیں آپ کا نام آیا ہے۔ مزید دیکھیں : میاں صاحب آپ رنگے ہاتھوں پکڑےگئےہیں انہوں نے کہا کہ پاناما لیکس میں میرا نہیں بلکہ وزیراعظم نواز شریف کا نام آیا ہے، اس معاملے پر قوم کو جواب دینا ان کا فرض ہے،پیر کو تمام اپوزیشن جماعتیں ٹی او آرز تیار کریں گی اور چیف جسٹس کی سربراہی میں آزاد انکوائری کمیشن کا مطالبہ کرے گی۔ جلسے سے خطاب میں کپتان اپنے متوالوں کو نہ بھولے، جلسے میں موجود عوام کو مخاطب کرتے ہوئے عمران خان کا کہنا تھا کہ جب بھی لاہور کے شہریوں کو بلایا، انہوں نے میری عزت رکھی، ہمیشہ لاہوریوں کی طرف سے جوش و جذبے سے بھرا ردعمل ملا، لاہور کے شہریوں کا شکریہ ادا کرنا چاہتا ہوں جنہوں نے 40 ڈگری سے زیادہ گرمی میں بھی مجھے مایوس نہیں کیا اور جلسے میں شرکت کیلئے گھروں سے نکلے، میں لاہور کے عوام سے وعدہ کرتا ہوں کہ میں کبھی اپنے وعدوں سے پیچھے نہیں ہٹوں گا۔ اس موقع پر کپتان نے آئندہ کے لائحہ کا اعلان کرتے ہوئے کہا کہ رائے ونڈ کے گھیراؤ سے پہلے پی ٹی آئی کا اگلا پراؤ فیصل آباد میں ہوگا،  آج کسان تباہ ہو رہا ہے، پاناما کے معاملے سے فارغ ہو جاؤں تو کسانوں کیلئے بھی دیہاتوں میں نکلوں گا، ہم سرکاری اداروں کو غیر سیاسی کریں گے۔ سماء