منی لانڈرنگ کیس میں ایان علی کیخلاف درخواست خارج
راولپنڈی: کسٹمز کی خصوصی عدالت نے کرنسی سمگلنگ میں ملوث ٹاپ ماڈل ایان علی کے خلاف اینٹی منی لانڈرنگ ایکٹ کے تحت انکوائری کی درخواست خارج کر دی۔
ٹاپ ماڈل ایان علی کے مقدمے کی سماعت بدھ کو کسٹمز کی خصوصی عدالت کے جج رانا آفتاب احمد نے کی۔
اس موقع پر جج رانا آفتاب احمد خان نے ماڈل ایان علی کے خلاف کسٹمز کی جانب سے دائر منی لانڈرنگ انکوائری کی درخواست پر گذشتہ ہفتے محفوظ کیا گیا فیصلہ سناتے ہوئے کسٹمز کی درخواست خارج کردی اور کہا کہ ملزمہ کی ملکیتی رقم کو منی لانڈرنگ کے زمرے میں نہیں لایا جا سکتا۔
قبل ازیں گذشتہ سماعت پر کسٹمز کے وکیل عون محمد نے اپنے دلائل میں کہا تھا کہ منی لانڈرنگ ایکٹ 2010 کے تحت کسی جرم کے ذریعے کمائی گئی رقم منی لانڈرنگ کے زمرے میں آتی ہے لہذا عدالت ملزمہ ایان علی کے خلاف اینٹی منی لانڈرنگ ایکٹ کے تحت تفتیش کی اجازت دے جس پر فاضل عدالت کے جج رانا آفتاب احمد نے ملزمہ ایان علی کے خلاف اینٹی منی لانڈرنگ ایکٹ کے تحت کارروائی کی درخواست پر سماعت مکمل کر کے فیصلہ محفوظ کر لیا تھا۔ سماء/اے پی پی
currency smuggling case
money laundering case
SPECIAL COURT
