[video width="640" height="360" mp4="http://i.samaa.tv/wp-content/uploads/sites/11//usr/nfs/sestore3/samaa/vodstore/urdu-digital-library/2016/02/BILAWAL-PKG-07-02-Mukkaram-.mp4"][/video]

واشنگٹن:چیئرمین پیپلزپارٹی بلاول بھٹو زرداری کہتے ہیں عزیربلوچ کے معاملے پر پیپلزپارٹی کا میڈیا ٹرائل کیا جارہا ہے ۔ عدالت ميں کچھ ثابت ہوا تو جواب دیں گے۔ بلاول بھٹو نے والد سے اختلافات کي بھی ترديد کردي۔ واشنگٹن میں میڈیا سے بات چیت کے دوران بلاول بھٹو زرداری کا کہنا تھا کہ لیاری گینگ وار کے سربراہ عزیر بلوچ کے معاملے پرپیپلزپارٹی کا میڈیا ٹرائل کیا جا رہا ہے۔  معاملہ عدالت میں لائیں، اگر کچھ ثابت ہوا تو پیپلزپارٹی جواب دے گی۔

بلاول بھٹو نے یہ وضاحت بھی کہ کہ وہ عزیر بلوچ کے معاملے کی وجہ سے امریکا نہیں آئے۔ بلاول بھٹو زرداری نے اپنے والد آصف زرداری سےکسی بھی قسم کے اختلافات کی سختی سے تردید کرتے ہوئے کہا کہ ہمارے اختلافات کی طرح میرے والد اور والدہ کے درمیان اختلافات کی بے بنیاد خبریں بھی سامنے لائی گئی تھیں۔ قبل ازیں بلاول بھٹو زرداری نے واشنگٹن میں امریکی تھنک ٹینک انسٹی ٹیوٹ آف پیس سے بھی خطاب کیا۔ سماء