دورہ نیوزی لینڈ کیلئے قومی ٹیم آج رات روانہ ہوگی

لاہور: پاکستان کرکٹ ٹیم دورہ نیوزی لینڈ کے لئے آج رات روانہ ہوگی، پانچ سال بعد محمد عامر پہلی بار ٹیم کے ہمراہ سفر کریں گے۔

 دونوں ٹیمیں تین ٹی ٹوئنٹی اور تین ون ڈے میچز کھیلے گی۔ پہلا ٹی ٹوئنٹی پندرہ جنوری کو آکلینڈ میں کھیلا جائے گا۔

مزید پڑھیے، محمد عامر دورہ نیوزی لینڈ کیلیے ون ڈے، ٹی ٹوئنٹی میں شامل

کوچ وقار یونس ٹیم کی تیاریوں سے مطمئن ہیں، کہتے ہیں کھلاڑیوں کو ہائی پرفارمنس کیمپ میں بھرپور تیاری کرائی گئی۔

کوچ کا کہنا ہے کہ پاکستانی بالنگ اٹیک امیدوں کا مرکز ہے، بیٹسمین کوکیویز بالرز سے نمٹنے کی خصوصی مشقیں کرائی ہیں، محمد عامر کی شمولیت سے ٹیم کا کمبی نیشن بہتر ہونے کی امید ہے۔

:ٹی ٹوئنٹی اسکوڈ

کپتان شاہد آفریدی، احمدشہزاد، محمدحفیظ، صہیب مقصود، شعیب ملک،عمراکمل، افتخاراحمد، عمادوسیم، انورعلی، عامریامین، سرفرازاحمد، وہاب ریاض،عمرگل، محمد رضوان، سعد نسیم اور محمد عامر۔

:ون ڈے اسکواڈ

کپتان اظہرعلی، احمدشہزاد، اسدشفیق، محمدحفیظ، بابراعظم، راحت علی، محمدرضوان، شعیب ملک، صہیب مقصود، عمادوسیم، انورعلی، وہاب ریاض، سرفراز احمد، محمد عرفان ، ظفرگوہر اور محمد عامر۔ سماء