وزارت داخلہ نے امریکا سے بے دخل مسافرکو واپس بھیج دیا

اسلام آباد: امریکا سے بے دخل کئے گئے مسافر کو اسی فلائٹ سے امریکی اسکارٹ سمیت واپس واشنگٹن بھیج دیا گیا۔ وزارت داخلہ نے ترکش ایئرلائن کو پانچ ہزار ڈالر جرمانے کا نوٹس بھی بھیج دیا۔ وزارت داخلہ کے مطابق مذکورہ شخص کو امریکا میں جرائم میں ملوث ہونے کے الزام میں ڈی پورٹ کیا جا رہا تھا، مسافر کو بغیر تصدیق اور وزارت داخلہ کی منظوری کے بغیر بھیجا گیا۔ ایف آئی اے حکام نے امریکی پولیس کو جواب دیا کہ مذکورہ شخص کو پاکستانی قوانین اور وزارتِ داخلہ کے مروجہ ضابطہ کار کی خلاف ورزی کرتے ہوئے ڈی پورٹ کرنے کی کوشش کی گئی۔ ایسے کسی بھی شخص کو قبول نہیں کیا جا سکتا۔ وزارت داخلہ کی جانب سے ترکش ایئر لائن کو پانچ ہزار ڈالر جرمانے کا نوٹس بھی بھیج دیا گیا۔ سماء