اب پاکستانی لڑکیاں باکسنگ رنگ میں بھی نظر آئیں گئیں

کراچی : پاکستانی لڑکیاں کرکٹ اور اسکواش کے بعد اب باکسنگ رنگ میں بھی چھا جائیں گی، پاکستان باکسنگ فیڈریشن نے ساؤتھ ایشین گیمز کیلئے تین رکنی ویمنز ٹیم کا اعلان کردیا۔ کرکٹ اسکواش ہوا پرانا اب انٹرنیشنل رنگ میں مکے برسانے کیلئے پاکستانی لڑکیوں نے کمر کس لی ہے۔ تین پاکستانی لڑکیاں انٹرنیشنل باکسنگ لڑنے کے لیے منتخب کرلی گئیں ہیں۔ خلشیم، رخسانہ اور صوفیہ ساؤتھ ایشین گیمز کے باکسنگ ایونٹ کیلئے بھارت جائیں گی، تینوں کھلاڑی اکیاون کلو، ساٹھ کلو اور پچھتر کلو کیٹگری میں مقابلے لڑیں گی۔ پاکستان باکسنگ فیڈریشن نے ایونٹ کیلئے چھ رکنی مینز ٹیم کا بھی اعلان کردیا۔ سماء