اٹارنی جنرل اور گورنر خیبرپختونخوا کا مستعفیٰ ہونیکا اعلان

عمران خان کے خلاف تحريک عدم اعتماد منظور ہوتے ہی گورنر خیبرپختونخوا شاہ فرمان نے مستعفیٰ ہونے کا اعلان کرديا۔

شاہ فرمان کا کہنا تھا کہ شہباز شریف کے بطور وزیراعظم اعتماد کا ووٹ لینے والے دن اپنا استعفی بجھوا دوں گا۔ انہوں نے کہا کہ وہ شہباز شریف کو وزیراعظم کا پروٹوکول نہیں دے سکتے۔

اٹارنی جنرل

جب کہ اٹارنی جنرل خالد جاوید خان عہدے سے مستعفیٰ ہوگئے ہیں۔ خالد جاوید اپنا استعفیٰ صدر ملکت عارف علوی کو ارسال کرکے کراچی روانہ ہوگئے ہیں۔ یہاں یہ بات بھی قابل ذکر ہے کہ خالد جاوید خان عمران خان کے بااعتماد ترین ساتھیوں میں سے تھے۔

پرنسپل سیکریٹری کا تبادلہ

دوسری جانب عمران خان وزیراعظم کے پرنسپل سیکریٹری اعظم خان کا بھی تبادلہ کر دیا گیا ہے۔

پی ٹی آئی رہنما شہباز گِل کی جانب سے مائیکرو بلاگنگ سائٹ پر کیے گئے اعلان میں کہا گیا ہے کہ عمران خان نے اعظم خان کی استعفے کی درخواست پر اسٹیبلشمنٹ ڈویژن رپورٹ کرنے کی ہدایت کی۔ انہوں نے مزید لکھا کہ اعظم خان نے بطور پرنسل سیکریٹری پوری ایمانداری اور محنت سے اپنی ذمہ داریاں نبھائیں۔

وزیراعظم نے دفتر سے جانے سے پہلے اپنا آخری حکم اپنے پرنسپل سیکرٹری اعظم خان کی درخواست پر انہیں اسٹیبلشمنٹ ڈویژن رپورٹ کرنے کا کیا۔

انہوں نے اعظم خان کی پیشہ ورانہ قابلیت کی تعریف کی اور کہا کہ انہوں پوری ایمانداری اور محنت سے اپنی زمہ داریاں نبھائیں۔

— Dr. Shahbaz GiLL (@SHABAZGIL) April 9, 2022