ڈاکٹر عامرلیاقت کے عمران خان سے متعلق ہوشربا انکشافات

غدار ہم نہیں بلکہ آپ ہیں، سابق رکن قومی اسمبلی
Apr 05, 2022

[video width="640" height="360" mp4="https://i.samaa.tv/wp-content/uploads/2022/04/Amir-Liaquat-on-IK-Sot-05-04.mp4"][/video]

پاکستان تحریک انصاف کے سابق رکن قومی اسمبلی ڈاکٹر عامر لیاقت حسین نے عمران خان کو غدار قرار دے دیا۔ کہتے ہیں کہ عمران خان نے تمام اراکین اسمبلی کو غدار قرار دیدیا، ہم غدار نہیں ہیں، آپ غدار ہیں، اب میں ان لوگوں کے ساتھ ہوں جو غدار نہیں ہیں، بہت کچھ جانتا ہوں بتادیا تو قیامت آجائے گی۔

پاکستان تحریک انصاف کے کراچی سے منتخب سابق رکن قومی اسمبلی ڈاکٹر عامر لیاقت حسین نے اپنے سوشل میڈیا اکاؤنٹ پر پوسٹ کی گئی ویڈیو میں عمران خان کو غدار قرار دیتے ہوئے کہا ہے کہ ہم غدار نہیں ہیں، میں نے ووٹ نہیں دیا پھر بھی غدار کہا، اب دوں گا پہلے آپ کے ساتھ تھا اب میں ان لوگوں کے ساتھ ہوں جو غدار نہیں ہیں۔

انہوں نے کہا کہ بہت کچھ جانتا ہوں بتادیا تو قیامت آجائے گی، میں خاموش ہوں مجھے خاموش ہی رہنے دیں اور خود بھی خاموش رہیں۔

ڈاکٹر عامر لیاقت حسین نے اپنی گفتگو میں صدر مملکت ڈاکٹر عارف علوی کو بھی تنقید کا نشانہ بنایا جبکہ آصف زرداری کیلئے کہا کہ انہیں سیاست کی سب سے بڑی بیماری آصف زرداری کہا جاتا تھا لیکن وہ آصف علی بیداری بن کر سامنے آیا ہے۔

انہوں نے مزید کہا کہ عمران خان نے طاقت کے نشے میں آئین کو پامال کیا۔ ڈاکٹر عامر لیاقت نے الزام لگایا کہ عمران خان نے جو خط جلسے میں لہرایا تھا وہ جھوٹ پر مبنی ہے، وہ اسد صاحب سے لکھوایا گیا جس میں شاہ محمود قریشی بھی شامل تھے۔

ASIF ZARDARI

PM IMRAN KHAN

DR. AMIR LIAQUAT HUSSAIN

Tabool ads will show in this div