اسٹاک مارکیٹ: سرمایہ کاروں کےلیے سہولت اکاونٹ متعارف
اسٹاک ایکس چینج انتظامیہ نے اسٹاک مارکیٹ میں سرمایہ کاری کے خواہش مند افراد کے لئے ’سہولت اکاونٹ“ متعارف کرادیا ہے۔
پروگرام کے تحت کوئی بھی شخص شناختی کارڈ جمع کر کے بروکرز کے پاس سہولت اکاؤنٹ کھول کر اپنی سرمایہ کاری کا آغاز کرتے ہوئے اسٹاک مارکیٹ میں 8لاکھ روپے تک کا سرمایہ کاری کرسکتا ہے۔
سہولت اکاونٹ طالب علموں، گھریلو خواتین، نوآموز سرمایہ کاروں یا ایسے افراد جو اسٹاک مارکیٹ میں سرمایہ کاری کرنے کے خواہشمند ہیں مگر وہ ایسا کرنے میں ہچکچاہٹ محسوس کرتے ہیں کیوں کہ روایتی اکاؤنٹ کھولنے کا عمل، متعدد دستاویزات کو جمع کرانے کی پابندی کے ساتھ مشکل لگتا ہے ۔
تمام لائسنس یافتہ سیکیورٹیز بروکرز سہولت اکاؤنٹ کے سلسلے میں اپنی خدمات پیش کر رہے ہیں۔ اس کے علاوہ یہ کہ سہولت اکاؤنٹ آن لائن بھی کھولا جا سکتا ہے۔ سہولت اکاؤنٹ کھولنے کے لیے سرمایہ کاروں کو ذرائع آمدن کا کوئی خاص ثبوت جیسے تنخواہ کی رسید یا بینک اسٹیٹمنٹ وغیرہ پیش کرنے کی ضرورت نہیں ہے۔
سیکیورٹیز بروکرز اور ان کے صارفین کے لیے کسی بھی قسم کے ابہام کو دور کرنے کے سلسلے میں، پاکستان اسٹاک ایکس چینج سہولت اکاؤنٹ کے لیے اکاؤنٹ کھولنے کے عمل کے حوالے سے ایک نوٹس پہلے ہی جاری کر چکا ہے۔
اس عمل کے مطابق، رسک اسسمنٹ کے ذریعے کم رسک کے حامل کے طور پر شناخت ہونے والا کوئی بھی فرد سہولت اکاؤنٹ کھول سکتا ہے۔ تاہم سیکیورٹیز بروکر آسان احتیاطی تدابیر کا اطلاق کر سکتا ہے جس میں صارفین کی شناخت کی تصدیق شامل ہے۔
اسٹاک بروکر عبدالعظیم کے مطابق بروکر اکاونٹ کے لئے کئی دستاویزات درکار ہوتے ہیں جس میں کئی دن لگ جاتے ہیں اور اکثر افراد کو زریعہ آمدن کے ثبوت دینے میں مشکلات ہوتے ہیں پھر ان دستاویزات کی تصدیق میں بھی وقت لگتا ہے تاہم سہولت اکاونٹ میں ان درکار دستاویزات میں چھوٹ دیدی گئی ہے۔شناختی کارڈ اور بینک اکاونٹ کے لئے دی گئیں معلومات کو بروکرز اکاونٹ میں استعمال کیا جائے گا جس سے فوری اور سہولت کے ساتھ اکاونٹ کھلوایا جاسکے گا۔
ایم ڈی اور سی ای او، پی ایس ایکس، فرخ ایچ خان کے مطابق سہولت اکاؤنٹ کے ذریعے اکاؤنٹ کھولنے کا ایک انتہائی آسان اور سیدھا عمل پیش کیا گیا ہے۔ آن لائن بروکریج اکاؤنٹ کھولنا اور اسٹاک مارکیٹ میں سرمایہ کاری سے فائدہ اٹھانا کبھی بھی اتنا آسان نہیں رہا۔اسٹاک ایکس چینج انتظامیہ ریٹیل اور نئے سرمایہ کاروں کو راغب کرنے کے لئے اقدامات کررہے ہیں جس سے فائدہ اٹھانا چاہیے۔
PSX
pakistan Stock Market
