وزیراعظم کی اپنے اراکین کو پرویزالٰہی کوووٹ دینے کی ہدایت

وزیراعظم عمران خان نے پاکستان تحریک انصاف کے اراکین صوبائی اسمبلی کو چوہدری پرویز الٰہی کو ووٹ دینے کی ہدایت کردی۔ وزیراعلیٰ پنجاب کے انتخاب کیلئے کل (اتوار کو) پنجاب اسمبلی میں ووٹنگ ہوگی۔

وزیراعظم عمران خان نے اپنے ٹویٹر پیغام میں کہا کہ پنجاب میں پی ٹی آئی کے تمام ایم پی ایز چوہدری پرویز الٰہی کو ووٹ دینا یقینی بنائیں، پی ٹی آئی کا کوئی بھی اپم پی اے پارٹی کی ہدایات کیخلاف جائے گا یا ووٹ نہیں دیگا تو اُسے نااہل قرار دیدیا جائے گا۔

مزید جانیے: وزارتِ اعلیٰ کیلئےحمایت،حمزہ شہباز ترین گروپ کے مشکور

پاکستان تحریک انصاف کے تمام اراکین صوبائی اسمبلی کل پنجاب میں وزارتِ اعلیٰ کے انتخاب میں چودھری پرویز الہٰی کو ووٹ کا دیا جانا یقینی بنائیں۔ رائے شماری سے غیرحاضر رہنے یا جماعتی ہدایات کیخلاف ووٹ ڈالنے والے رکن کو کڑی انضباطی کارروائی کا سامنا ہوگا اور اسے نااہل قرار دیا جائے گا۔

— Imran Khan (@ImranKhanPTI) April 2, 2022

انہوں نے مزید کہا کہ پارٹی کی ہدایت کیخلاف جانیوالے رکن کو سخت تادیبی کارروائی کا بھی سامنا کرنا پڑے گا۔

مزید جانیے: وزارت اعلیٰ پنجاب، علیم خان گروپ کی حمزہ شہبازکی حمایت

واضح رہے کہ جہانگیر ترین اور علیم خان گروپ پہلے ہی پرویز الٰہی کے مقابلے میں اپوزیشن کے امیدوار حمزہ شہباز شریف کی حمایت کا اعلان کرچکے ہیں۔