پی ٹی آئی کارکنوں کا منحرف ارکان کيخلاف شہر،شہر احتجاج

کارکنوں کی منحرف ارکان کے خلاف نعرے بازی
Mar 18, 2022

اسلام آباد میں تحریک انصاف کے کارکن لوٹے لے کر ریڈزون میں واقع سندھ ہاؤس پہنچ گئے۔ کارکنوں کی جانب سے منحرف ارکان کے خلاف شدید نعرے بازی کی گئی۔

شرکاء کا کہنا ہے کہ ہم نے عمران خان کی قيادت ميں ہر رکاوٹ کو عبور کيا مگر ضمير فروش سودا کر رہے ہيں۔ کارکنوں نے سندھ ہاؤس کے دروازے کے سامنے دھرنا دے ديا۔

دوسری جانب این اے 110 فيصل آباد ميں پی ٹی آئی کے منحرف رکن راجہ ریاض کے خلاف بینر آویزاں کرديے گئے، ترقیاتی کاموں کےافتتاحی بورڈز پر سیاہی  لگا دی گئی۔ راجہ ریاض کے خلاف اویزاں فلیکسز میں راجہ ریاض سے استعفیٰ کا مطالبہ کردیا۔

دوسری جانب لاہور میں بھی تحریک انصاف کے کارکنان نے ایم این اے وجیہ اکرام کے گھر کے باہر احتجاجی مظاہرہ کیا۔ کارکنان کا کہنا تھا کہ تحریک انصاف نے ان کو ایم این اے بنایا ہے، خان صاحب ہمیں موقعہ دیں اسکو لمبی لیڈ سے  شکست دیں گے۔

پشاور میں تحریک انصاف کے منحرف ایم این اے کیخلاف بھی کارکن سراپا احتجاج ہیں جبکہ جڑانوالہ سے تحریک انصاف کے منحرف ایم این اے نواب شیر وسیر کے حلقہ میں بھی شہریوں میں غم و غصہ پایا جارہا ہے۔

PTI WORKERS

No Confidence Motion

SINDH HOUSE ، سندھ ہاؤس

Tabool ads will show in this div