ضیاءالحق کی قبرپرنعرےبازی پارٹی پالیسی کی نمائندگی نہیں،ترجمان بلاول بھٹو
پاکستان پیپلزپارٹی کے چیئرمین بلاول بھٹو زرداری کے ترجمان ذوالفقار علی بدر نے اسلام آباد میں جنرل(ر) ضیاء الحق کی قبر پر جیالوں کی نعرے بازی پر مذمتی بیان جاری کردیا۔
بلاول بھٹو کے ترجمان نے کہا کہ ڈکٹیٹر ضیاءالحق کی قبر پر نعرے بازی اخلاقی طور پرایک نامناسب واقعہ تھا اوریہ نعرے بازی چند جیالوں کی جانب کی گئی۔
انھوں نے کہا کہ نعرے بازی پارٹی کی کسی پالیسی کی نمائندگی نہیں اور کسی بھی کارکن کی جانب سے کوئی بھی نازیبا عمل پارٹی کا بیانیہ نہیں ہوسکتا۔
ذوالفقارعلی بدر نے واضح کیا کہ پاکستان پیپلزپارٹی کسی ایسے رویوں کی قطعاً حوصلہ افزائی نہیں کرے گی۔
واضح رہے کہ پاکستان پيپلزپارٹی کے قافلے کی منگل 8 مارچ کو اسلام آباد آمد پر کچھ جيالے فیصل مسجد کے احاطے میں سابق صدر ضياء الحق کی قبر پر پہنچےاورنعرے بازی کی، جس پر سابق صدر کے صاحبزادے اعجازالحق نے معافی کا مطالبہ کیا تھا۔
سماء سے خصوصی گفتگو میں اعجاز الحق کا کہنا تھا کہ کرائے کے لوگ لاکر ان کے والد کی قبر کی بے حرمتی کی گئی،لاڑکانہ ميں بھی ايسی ہی صورت حال ہوسکتی ہے اور (ن) ليگ کوبھی پيپلزپارٹی کےرويے پر سوچنا چاہيے۔۔
ZIA UL HAQ
