سندھ ہائی کورٹ کا کین کمشنرسندھ کو ذاتی حثیت میں پیش ہونے کا حکم
سندھ ہائی کورٹ نے کین کمشنر سندھ کو ذاتی حثیت میں پیش ہونے کا حکم دے دیا ہے۔
سندھ ہائیکورٹ میں گنے کی قیمت اور کوالٹی پریمیم کی ایک ساتھ ادائیگی سے متعلق درخواست کی سماعت ہوئی۔
درخواست گزار مرید علی شاہ ایڈووکیٹ نے عدالت کو بتایا کہ شوگر ملز مالکان گنے کے کاشت کاروں سے بڑا فراڈ کر رہے ہیں،سندھ کابینہ کا فیصلہ ہے کہ کوالٹی پریمیم کرشنگ سیزن ختم ہونے کے بعد ادا کیا جائے گا،جب کاشت کار گنا فروخت کرتے ہیں تو صرف گنے کی رقم ادا کرنی ہے، تاہم 40کلوگرام گنے سے 8 کلو سے زائد چینی بنے تو کوالٹی پریمیم لاگو ہوتا ہے۔
درخواست گزارکے وکیل نے مزید کہا کہ ملز مالکان چینی بنانے سے قبل کیسے کوالٹی پریمیم کی ادائیگی کرسکتے ہیں؟ ملزم مالکان خلاف قانون گنے اور کوالٹی پریمیم کی ایک ساتھ ادائیگی کررہے ہیں۔
عدالت نے کین کمشنر سندھ کو طلب کرتےہوئے درخواست کی مزید سماعت ایک ماہ کے لئے ملتوی کردی۔
SINDH HIGH COURT
CANE COMMISSIONER
