اسلام آباد:تھانہ سبزی منڈی پولیس کی کارروائی،افغانی ڈکیت گینگ گرفتار

ملزمان میں گل ولی، نوراللہ، خیراللہ،وقار اور نعمت اللہ شامل

اسلام آباد میں تھانہ سبزی منڈی پولیس نے کارروائی کرتےہوئے5 رکنی افغانی ڈکیت گینگ گرفتار کرلیا۔

اسلام آباد پولیس کے مطابق اسٹریٹ کرائم  کی وارداتوں میں ملوث خیراللہ افغانی گینگ سبزی منڈی پولیس نے گرفتار کیا ہے۔

ملزمان میں گل ولی، نوراللہ، خیراللہ،وقار اور نعمت اللہ شامل ہیں۔ملزمان کے قبضے سے 8 موبائل فون،لیپ ٹاپ اور نقدی  برآمد ہوئی ہے۔ اس کے علاوہ

وارداتوں میں استعمال ہونے والا اسلحہ اور 2 موٹرسائیکلیں بھی برآمد کی گئی ہیں۔

ایس پی سعود خان اور ایس ایچ او اشتیاق شاہ کےمطابق یہ ملزمان آئی جے پی روڈ اورمنڈی موڑ سے ملحقہ علاقوں میں گن پوائنٹ پر ڈکیتیاں کرتے تھے اورسبزی منڈی میں بھی چوری کی وارداتوں میں ملوث تھے۔

 ملزمان کے خلاف تھانہ سبزی منڈی میں مقدمات درج کرلیے گئے۔

islamabad police

Tabool ads will show in this div