لاہور: ایلی ویٹڈ ایکسپریس کی تعمیراگلے ماہ سےشروع ہونیکا امکان

ایکسپریس وے سے گھنٹے کا سفر 15منٹ میں طے ہوگا
Feb 05, 2022

LDA Elevated Express Project Lhr PKG 05-02

[video width="640" height="360" mp4="https://i.samaa.tv/wp-content/uploads/2022/02/LDA-Elevated-Express-Project-Lhr-PKG-05-02.mp4"][/video]

لاہور میں گلبرگ کو موٹروے سے ملانے والے ایلی ویٹڈ ایکسپریس کی تعمیر اگلے ماہ سے شروع ہونے کا امکان ہے، 61 ارب روپے کے اس منصوبے سے ایک گھنٹے کا سفر تقریباً 15 منٹ میں طے ہوگا۔

ایلی ویٹڈ ایکسپریس وے گلبرگ کو موٹروے سے ملائے گی جہاں کینال روڈ، جیل روڈ، فیروزپور روڈ، بند روڈ اور ملتان روڈ پر انٹرچینج بنیں گے۔

چیف انجینئر ایل ڈی اے اسرار خان کے مطابق تقریبا ساڑھے 10 کلو میٹر اس کی لمبائی ہے اور یہ ہوم اکنامکس کالج مین بلیوارڈ گلبرگ کے سامنے سے شروع ہوکر ڈرین کے اوپر اوپر چلتا جائے گا اور موٹر وے کو سینٹر آف دی سٹی گلبرگ کے ساتھ ملا دے گا۔

چیف انجینئر ایل ڈی اے کا مزید کہنا تھا کہ اگر آپ نے شہر سے باہر جانا ہے تو زیادہ سے زیادہ 10 منٹ اور اگر شہر کے اندر بند روڈ سے سٹی سینٹر یعنی گلبرگ والی سائیڈ پر آنا ہے تو زیادہ سے زیادہ آٹھ منٹ لگیں گے۔ سگنل فری ہوگا تو آپ جلدی موومنٹ کر جائیں گے اور جلد اپنی منزل پر پہنچ جائیں گے، تو اس سے ان تمام سڑکوں پر ٹریفک کا دباو کم ہوگا۔

عام طور پر صبح حاضری اور چھٹی کے اوقات میں گلبرگ سے بابو صابو موٹروے تک کا سفر ایک گھنٹے میں طے ہوتا ہے لیکن ایلیویٹڈ ایکسپریس وے بننے سے یہ سفر 15 منٹ تک محدود ہوجائے گا۔ ایک اندازے کا مطابق ایک لاکھ گاڑیاں روزانہ اس پر سفر کریں گی۔

منصوبے کا سنگ بنیاد اگلے ماہ رکھا جائے گا جس کے لیے پنجاب حکومت لاہور ڈویلپمنٹ اتھارٹی کو فنڈز دے گی۔

ELEVATED EXPRESSWAY

Tabool ads will show in this div