پاکستان:24 گھنٹوں میں کرونا سے مزیر 48 اموات

ملک میں کرونا وائرس سے ايک روز میں مزید اڑتاليس افراد انتقال کرگئے۔ این سی اوسی کے مطابق مزید چونسٹھ ہزار سے زائد افراد کے کرونا ٹیسٹ کئے گئے۔

نیشنل کمانڈ اینڈ آپریشن سینٹر ( این سی او سی) کی جانب سے جاری بیان کے مطابق ملک میں چوبیس گھنٹوں کے دوران مثبت کیسز کی شرح نو اعشاریہ نو چار فیصد ریکارڈ کی گئی۔

پاکستان میں اب تک کرونا وائرس سے انتقال کرنے والے افراد کی تعداد 29 ہزار 420 ہوگئی ہے، جب کہ کرونا کے تصدیق شدہ کیسز کی تعداد 14 لاکھ 48 ہزار 663 ہوگئی ہے۔

نیشنل کمانڈ اینڈ آپریشن سینٹر کے اعداد و شمار کے مطابق گزشتہ 24 گھنٹوں کے دوران 6 ہزار 377 نئے کیسز رپورٹ ہوئے۔ پنجاب میں 4 لاکھ 85 ہزار 810، سندھ میں 5 لاکھ 47 ہزار 920، خیبرپختونخوا میں ایک لاکھ 99 ہزار 195، بلوچستان میں 34 ہزار 634، گلگت بلتستان میں 10 ہزار 837، اسلام آباد میں ایک لاکھ 30 ہزار 373 جب کہ آزاد کشمیر میں 39 ہزار 894 کیسز رپورٹ ہوئے۔

ملک بھر میں اب تک 2 کروڑ 52 لاکھ 58 ہزار 723 افراد کے ٹیسٹ کئے گئے، گذشتہ 24 گھنٹوں کے دوران 64 ہزار 121 نئے ٹیسٹ کئے گئے، اب تک 13 لاکھ 17 ہزار 385 مریض صحتیاب ہوچکے ہیں جبکہ ایک ہزار 618 مریضوں کی حالت تشویشناک ہے۔

پاکستان میں کورونا سے ایک دن میں 48 افراد جاں بحق ہوئے، جس کے بعد وائرس سے مرنے والوں کی تعداد 29 ہزار 420 ہوگئی۔ پنجاب میں 13 ہزار 219، سندھ میں 7 ہزار 869، خیبرپختونخوا میں 6 ہزار 31، اسلام آباد میں 983، بلوچستان میں 368، گلگت بلتستان میں 189 اور آزاد کشمیر میں 761 مریض اس عالمی وبا کے باعث انتقال کرگئے ہیں۔