پنجاب کے اسکولوں میں 103 کرونا کیسز رپورٹ

محکمہ اسکول ايجوکيشن کے تحت لاہور سمیت پنجاب کے اسکولوں میں جاری کرونا ٹیسٹ کے نتیجے میں صوبے بھر سے ايک سو تين طلبا کے کورونا ٹیسٹ مثبت آئے ہیں۔

لاہورکے اسکولوں میں 20 طلبا جبکہ راولپنڈی سے 79 طلبا کے ٹيسٹ مثبت آئے ہيں، لاہور میں دو اسکولز کورونا کیسز پر سیل بھی کیے گئے ہیں، محکمہ اسکول ایجوکیشن پنجاب کے مطابق اب تک 4 ہزار سے زائد طلبا کے سیمپل لیےگئے۔

رپورٹ کے مطابق لاہور اور راولپنڈی کے اسکولزمیں کورونا کی مثبت شرح 3،3 فیصد سامنےآئی ہے جبکہ گوجرانوالہ اور فیصل آباد کے اسکولز سے کوئی کورونا کیس سامنےنہیں آیا۔ حکام کے مطابق لاہور، راولپنڈی، ملتان، فیصل آباد، گوجرانوالہ میں ٹیسٹوں کا سلسلہ جاری ہے۔