کیٹی بندر:2 کشتیاں الٹ گئیں8 ماہی گیر لاپتا،30 کو بچالیاگیا

ماہی گیروں کو سمندر سے دور رہنے کی ہدایت

[video width="640" height="360" mp4="https://i.samaa.tv/wp-content/uploads/sites/11//usr/nfs/sestore3/samaa/vodstore/urdu-digital-library/2020/01/Thatta-boat-sank-Ftg-22-01.mp4"][/video]

سمندر ميں تيز ہواؤں کے باعث کيٹی بندر کے قريب ماہی گيروں کی 2 کشتياں اُلٹ گئيں، حادثے کے بعد 30 ماہی گیروں کو بچا لیا گیا، جب کہ 8 ماہی گیروں کی تلاش جاری ہے۔

محکمہ فشری کے مطابق کشتیوں میں 38 ماہی گير سوار تھے۔ وزیراعلیٰ سندھ نے بھی واقعہ کا نوٹس لے ليا ہے، جب کہ کمشنر حیدرآباد نے فشریز ڈپارٹمنٹ کو ماہی گیروں کی مدد کرنے کی ہدایت کردی ہے۔

حکمہ موسمیات کے مطابق شمالی بحیرہ عرب میں لہریں سوا سے ڈھائی میٹر بلند ہو رہی ہیں، کبھی کبھی سمندر میں لہریں 6 میٹر تک بھی بلند ہوسکتی ہیں۔

محکمہ موسمیات کا کہنا ہے کہ ماہی گیر آج رات تک سمندر میں جاتے ہوئے احتیاطی تدابیر اختیار کریں۔

واضح رہے کہ کراچی میں تیز گرد آلود ہوائیں آج شام تک چلنے کا امکان ہے، ہوائیں چلنے کی رفتار 35 کلومیٹر فی گھنٹہ ہے، شہر میں تیز گرد آلود ہوائیں چلنے سے معمولات زندگی متاثر ہے۔

چیف میٹرولوجسٹ سردار سرفراز کا کہنا ہے کہ ہوائیں 40 سے45 کلومیٹر فی گھنٹہ کی رفتار سے چل سکتی ہیں،اور ہواؤں کے جھکڑ کی رفتار کبھی 50 کلومیٹر فی گھنٹہ بھی ہوسکتی ہے۔

Tabool ads will show in this div