جعفر ایکسپریس کے قریب دھماکا، متعدد مسافر زخمی

ٹرین کی متعدد بوگیاں پٹری سے اتر گئیں

Jaffer Express Blast

بلوچستان کے شہر سبی میں جعفر ایکسپریسس کے قریب دھماکے کے باعث متعدد مسافر زخمی ہوگئے۔

سیکیورٹی حکام کے مطابق دھماکہ خیز مواد ریلوے ٹریک کے نزدیک نصب تھا جبکہ ریسکیو حکام کے مطابق پانچ مسافروں کو سول اسپتال سبی منتقل کر دیا گیا۔

دھماکے کے باعث ٹرین کی متعدد بوگیاں پٹری سے اتر گئی ہیں جبکہ سیکیورٹی فورسز نے علاقے کو گھیرے میں لے لیا ہے۔

ترجمان ریلوے کے مطابق کوئٹہ سے راولپنڈی آنے والی جعفر ایکسپریس کی انجن سمیت چار بوگیاں پٹری سے اتر گئیں تھیں، یہ واقع کوئٹہ سبی سیکشن پر مشکاف اور پیروکنری کے درمیان ٹریک کے قریب بارودی مواد پھٹنے سے پیش آیا۔

ترجمان کا کہنا ہے کہ ابتدائی اطلاعات کے مطابق 2مسافر معمولی زخمی ہوئے جنہیں ابتدائی طبی امداد موقع پر فراہم کر دی گئی۔

ریلیف ٹرین سبی سے روانہ کردی گئی ہے تاکہ ریلیف کا کام تیزی سے مکمل کرکے ٹریک کو ٹریفک کے لیے کھول دیا جائے۔

وزیراعلیٰ بلوچستان میر عبدالقدوس بزنجو نے مشکاف ریلوے اسٹیشن کے قریب ریلوے ٹریک پر بم دھماکے کی مذمت کی ہے۔

انہوں نے ضلعی انتظامیہ کو ہدایت کی کہ ٹرین مسافروں کو فوری طور پر ریلیف فراہم کیا جائے اور زخمی مسافروں کو علاج معالجہ کی بہترین سہولت دی جائے۔

Tabool ads will show in this div