کوہلی ٹیسٹ ٹیم کی قیادت سےبھی دستبردار

ٹوئٹر پر اعلان کیا

جنوبی افریقہ کیخلاف تین میچوں پر مشتمل سیریز میں 1-2 سے شکست کے بعد ویرات کوہلی نے ٹیسٹ ٹیم کی قیادت سے دستبردار ہونے کا اعلان کردیا۔

ویرات کوہلی نے سماجی رابطے کی سائٹ ٹوئٹر پر اپنے جاری پیغام میں کہا کہ ٹیم کو صحیح سمت میں لے جانے کے لیے 7 سال کی انتھک محنت اور ثابت قدمی کا کام کیا ہے، ہر چیز کو کبھی نہ کبھی رکنا ہوتا ہے اور یہ میری ٹیسٹ کپتانی کا اختتام ہے۔

بھارتی کپتان نے ستمبر میں ٹی 20 کی کپتانی چھوڑ دی تھی اور ان کی جگہ بھارتی کرکٹ بورڈ نے دسمبر میں ون ڈے انٹرنیشنل کی کپتانی روہٹ شرما کے سپرد کردی گئی تھی۔

ویرات کوہلی نےٹی20 ٹیم کی قیادت چھوڑنےکا اعلان کردیا

دھونی کی ریٹائرمنٹ کے بعد کوہلی نے سال 2014 میں ٹیم کی کمان سنبھالی تھی، انہوں بھارت کے لیے 68 ٹیسٹ میچز میں ٹیم کی قیادت کی جس میں 40 جیتے جبکہ 17 میں انہیں شکست ہوئی۔

Tabool ads will show in this div