کیا مچل اسٹارک پاکستان کا دورہ کررہے ہیں؟

آئی پی ایل میں شرکت کا اشارہ دیدیا
Jan 12, 2022

آسٹریلوی فاسٹ بولر مچل اسٹارک نے انڈین پریمیئر لیگ (آئی پی ایل) کے اگلے ایڈیشن میں واپس آنے کا اشارہ دیتے ہوئے کہا ہے کہ سیزن میں مصروفیات کے سبب ممکن ہے کہ دورہ پاکستان کے لیے شرکت مشوک ہے۔

کرک انفو کی رپورٹ کے مطابق آسٹریلوی فاسٹ بولر سال 2015 کے بعد ایک بار پھر آئی پی ایل کھیلنے کی تیاری کررہے ہیں تاکہ آسٹریلیا میں ہونے والے اگلے ورلڈکپ کی تیاری ممکن بنائی جاسکے۔

مچل اسٹارک نے کہا کہ میرے پاس دورہ پاکستان اور آئی پی ایل سے متعلق فیصلہ کرنے کیلئےکچھ دن باقی ہیں، تاہم لیگ کا شیڈول مجھے نہیں معلوم ہے البتہ 6 سال بعد ایونٹ میں شرکت کیلئے بیتاب ہوں۔

آسٹریلیا کے تقریبا ہر فارمیٹ میں نمائندگی کرنے والے مچل اسٹارک نے کہا کہ اگست تک کوئی وقفہ نہیں ہوگا اگر وہ آئی پی ایل میں کھیلنے کا فیصلہ کرتے تو دورہ پاکستان میں دستیابی ناممکن ہوگی۔

کواڈ لیٹرل سیریز: تفصیلات سامنے آگئیں

ایشز کے اختتام کے بعد کینگروز نیوزی لینڈ کے خلاف محدود اوورز کے میچز کی سیریز میں کھیلتے نظر آئیں گے، جس میں 3 ون ڈے اور ایک ٹی20 انٹرنیشنل شامل ہے۔ جبکہ فروری میں سری لنکا کے خلاف 5 میچوں کی سیریز کھیلی جائے گی۔

دریں اثنا، پاکستان کرکٹ بورڈ (پی سی بی) نے پہلے ہی 1998 کے بعد آسٹریلیا کے پاکستان کے پہلے دورے کی تفصیلات کا اعلان کردیا ہے، جو مارچ اور اپریل 2022 میں ہوگا، اور اس میں 3 ٹیسٹ، 3 ون ڈے اور ایک ٹی20 انٹرنیشنل میچ کھیلا جائے گا۔

آئی پی ایل اپریل سے جون کے شروع تک چلے گا اور آسٹریلیا بھی جون اور جولائی میں ٹیسٹ اور محدود اوورز کے دورے کے لیے سری لنکا کا دورہ کرنے والا ہے۔

Tabool ads will show in this div