ڈرامہ’سنگ ماہ‘کی پہلی قسط سینما گھروں میں پیش

ڈرامہ کے پریمئر پر کاسٹ کی شرکت

گلوکار عاطف اسلم کے نئے ڈرامے ’سنگ ماہ‘ کی رونمائی کی تقریب گزشتہ روز منعقد ہوئی جس میں پوری کاسٹ نے شرکت کی۔

گزشتہ روز گلوکار عاطف اسلم کے نئے ڈرامے کی پہلی قسط کو کاسٹ اور دیگر شوبز شخصیات کے لئے پریمئر کی تقریب کا انعقاد کیا گیا تھا۔

ڈرامہ سنگ ماہ 2016 میں نشر ہونے والے ڈرامے 'سنگِ مر مر' کا سیکوئل ہے، جس کی کہانی پاکستان کے قبائلی علاقہ جات کے خاندان اور وہاں کی رسم و رواج کے گرد گھومتی ہے۔

عاطف اسلم ڈرامہ سے چھوٹی اسکرین پر ڈیبیو کرنے جارہے ہیں، جبکہ ڈرامہ کی دیگر کاسٹ میں نعمان اعجاز، ان کے بیٹے زاویار اعجاز، ہانیہ عامر، کبریٰ خان اور ثانیہ سعید سمیت سامیہ ممتاز اور میکال ذوالفقار بھی شامل ہیں۔

ڈرامے کی ہدایات سیفی حسن نے دی ہیں، جنہوں نے مذکورہ ڈرامے کے پہلے سیزن یعنی ’سنگ مر مر‘ کی ہدایات بھی دی تھیں۔

Tabool ads will show in this div