سال کے پہلے ہی دن سونا مہنگا

ہفتہ کو فی تولہ نرخ 200روپے، فی اونس 10ڈالربڑھ گئے
Jan 01, 2022

سال کے پہلے ہی دن سونا مہنگا ہوگیا، ہفتہ کو سونا فی اونس 10 ڈالر جبکہ فی تولہ 200 روپے مہنگا ہوگیا۔ عالمی مارکیٹ میں دو روز کے دوران نرخ 27 ڈالر بڑھ گئے۔

صراف اینڈ جیولرز ایسوسی ایشن کے مطابق ہفتہ کو پاکستان میں سونے کے فی تولہ نرخ 200 روپے اضافے سے ایک لاکھ 26 ہزار 200 روپے کی سطح پر آگئے جبکہ 10 گرام سونا 85 روپے سستا ہوکر ایک لاکھ 8 ہزار 25 روپے کا ہوگیا۔

پاکستان میں اکتوبر کے آخری ہفتے میں سونا ایک لاکھ 32 ہزار روپے کی ریکارڈ سطح پر پہنچ گیا تھا۔

عالمی مارکیٹ میں سونے کے فی اونس نرخ مزید 10 ڈالر اضافے سے 1830 ڈالر ہوگئے۔ دو روز کے دوران انٹرنیشنل مارکیٹ میں سونا 27 ڈالر مہنگا ہوچکا ہے۔

ملک میں چاندی کی فی تولہ قیمت 1460 روپے اور 10 گرام 1251.71 روپے پر برقرار ہے۔ فی اونس چاندی کے نرخ 0.13 ڈالر اضافے سے 23.40 ڈالر پر آگئے۔

Tabool ads will show in this div