سال2022 میں پاکستان کرکٹ ٹیم کا شیڈول
پاکستان کرکٹ ٹیم کے لیے سال 2021 کامیابی سے بھرپور رہا ہے، تاہم اب نئے سال میں کرکٹ سے بھرپور سیزن کی تیاری شروع ہوگئی ہے۔
سال 2022 میں انٹرنیشنل میچز کا شیڈول
آسٹریلوی ٹیم سال 2022 میں 24 برس بعد مارچ-اپریل کے مہینے میں پاکستان کا دورہ کریگی، سیریز میں 3 ٹیسٹ، 3 ون ڈے اور ایک ٹی20 میچز پر مشتمل سیریز کھیلی جائے گی۔
سال 2021 میں قومی کرکٹ ٹیم کا سفر کیسا رہا؟
آسٹریلوی ٹیم سے سیریز کا باقائدہ آغاز ٹیسٹ میچز سے ہوگا، سیریز کا پہلا ٹیسٹ 3 مارچ کو کراچی، دوسرا ٹیسٹ میچ 12 تا 16 مارچ تک راولپنڈی اور تیسرا 21 تا 25 مارچ تک لاہور میں کھیلا جائے گا۔
سیریز کے 3 ون ڈے اور واحد ٹی20 میچز لاہور کے قذافی اسٹیڈیم میں کھیلے جائیں گے، تمام میچز 29 مارچ سے 5 اپریل تک جاری رہیں گے۔
"Cricket Australia is excited about the prospect of touring Pakistan next year for what will be a highly anticipated series in a country so incredibly passionate about the game and their national team." Nick Hockley, Cricket Australia CEO ?? pic.twitter.com/afmx9LUzEl
— Cricket Australia (@CricketAus) November 8, 2021
پاکستان کا دورہ سری لنکا
قومی ٹیم سال 2022 میں جولائی اور اگست میں سری لنکا کا دورہ کرے گی، جس میں 2 ٹیسٹ میچز پر مشتمل سیریز جبکہ 2 ون ڈے انٹرنیشنل بھی کھیلے جائیں گے۔
ٹی20 ایشیاکپ کے میچز
اگست کے مہینے میں قومی ٹیم ایشیاکپ میں شرکت کرے گی، جس کا شیڈول تاحال فائنل نہیں کیا گیا ہے جبکہ ایونٹ میں 13 میچز کھیلے جائیں گے۔ جہاں پاکستان کے علاوہ بھارت، سری لنکا، بنگلہ دیش اور افغانستان جیسی ٹیمیں شرکت کریں گی۔
انگلینڈ کا دورہ پاکستان
گزشتہ برس پاکستان کا دورہ منسوخ کرنے والی انگلش ٹیم رواں سال اکتوبر کے مہینے میں پاکستان کا دورہ کریگی، جہاں دونوں ٹیمیں 7 ٹی20 انٹرنیشنل میچز میں ایک دوسرے مد مقابل آئیں گی۔ ٹی20 ورلڈکپ کے باعث انگلش ٹیسٹ میچز کے لیے نومبر اور دسمبر میں پاکستان کا دورہ مکمل کریگی۔
آئی سی سی ٹی20 ورلڈکپ
سال 2022 کے اکتوبر اور نومبر کے مہینے میں آسٹریلیا آئی سی سی ٹی20 ورلڈکپ کی میزبانی کریگا، جہاں ایونٹ میں 45 میچز کھیلے جائیں گے جبکہ 16 ٹیمیں اس ایونٹ میں شریک ہوں گی۔ ایونٹ کے شیڈول کا باقاعدہ اعلان 21 جنوری کو ہوگا۔
نیوزی لینڈ کا دورہ پاکستان
سال 2022 کے اکتوبر اور نومبر میں ہی سیکورٹی وجوہات کی بناپر دورہ منسوخ کرنے والی کیوی ٹیم پاکستان کا دورہ کریگی، سیریز میں 2 ٹیسٹ، 8 ون ڈے اور 5 ٹی20 میچز کھیلے گی۔
